ശ്രീനഗർ- ലഡാക്ക് മേഖലയെ കശ്മീർ വാലുമായി ബന്ധിപ്പിക്കുന്ന സോജില ചുരം മേഖലയിലുണ്ടായ വാഹനാപകടത്തിൽ നാലു മലയാളികളടക്കം ഏഴ് വിനോദസഞ്ചാരികൾ മരിച്ചു. വാഹനം കൊക്കയിലേക്ക് മറിഞ്ഞാണ് അപകടമുണ്ടായത്. പാലക്കാട് ജില്ലയിലെ ചിറ്റൂര്‍ സ്വദേശികളാണ് സംഘത്തിലുണ്ടായിരുന്നത്. അപകടം നടന്നയുടൻ സോനാമാർഗ് പോലീസ് സ്ഥലത്തെത്തി രക്ഷാപ്രവർത്തനം നടത്തി. ഒരു ഡ്രൈവറടക്കം എട്ടു പേരാണ് വാഹനത്തിലുണ്ടായിരുന്നത്. വാഹനം സോജില പാസിനടുത്തുള്ള ശ്രീനഗർലേ ഹൈവേയിലെ ആഴത്തിലുള്ള തോട്ടിലേക്ക് വീണാണ് അപകടം. കാറിന്റെ ഡ്രൈവർ അജാസ് അഹമ്മദ് അവാൻ ഗുരുതര പരിക്കുകളോടെ ആശുപത്രിയിലാണ്.സുധേഷ്, അനിൽ, രാഹുൽ, വിഗ്നേഷ് എന്നിവരാണ് മരിച്ചത്. മനോജ്, രജീഷ്, അരുൺ എന്നിവർക്ക് പരിക്കേറ്റു. മനോജിന്റെ പരിക്ക് ഗുരുതരമാണ്.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
