ആലുവ / അങ്കമാലി - ആലുവയിൽ ബൈക്കുകൾ കൂട്ടിയിടിച്ച് യുവതി മരിച്ചു. ചാലക്കുടി മേലൂരിൽ ബ്യൂട്ടി പാർലർ നടത്തുന്ന തൃശൂർ സ്വദേശി ലിയ(21)യാണ് മരിച്ചത്. ഇന്ന് രാവിലെ ആറോടെ പുളിഞ്ചോട് മെട്രോ പില്ലർ 60ന് സമീപത്തു വച്ചായിരുന്നു അപകടം. അപകടത്തിന് പിന്നാലെ യുവതിയെ ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബൈക്ക് ഓടിച്ച കൊരട്ടി സ്വദേശി ജിജിൻ ജോയി(23)യെ ഗുരുതര പരുക്കുകളോടെ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
