ലഖ്നൗ- ആഭ്യന്തരമന്ത്രി അമിത് ഷായെക്കുറിച്ച് മോശം പരാമര്ശം നടത്തിയെന്ന കേസില് കോണ്ഗ്രസ് നേതാവ് രാഹുല് ഗാന്ധിക്ക് കോടതിയുടെ സമന്സ്. ഉത്തര്പ്രദേശ് സുല്ത്താന്പൂരിലെ എംപി-എം എല് എ കോടതിയാണ് സമന്സ് അയച്ചിരിക്കുന്നത്. ഡിസംബര് 16ന് ഹാജരാകാനാണ് നിര്ദ്ദേശിച്ചിരിക്കുന്നത്. 2018ല് ബെംഗളൂരുവില് നടന്ന വാര്ത്താ സമ്മേളനത്തില് അമിത് ഷാ കൊലപാതകിയാണെന്ന് രാഹുല് ഗാന്ധി ആരോപിച്ചിരുന്നു. കര്ണ്ണാടക തെരഞ്ഞെടുപ്പിനിടെയായിരുന്നു രാഹുലിന്റെ പ്രസ്താവന. ബി ജെ പി നേതാവ് വിജയ് മിശ്രയാണ് ഇതിനെതിരെ പരാതി നല്കിയത്. രണ്ട് വര്ഷം വരെ ശിക്ഷ ലഭിക്കാവുന്ന കുറ്റമാണ് രാഹുല് ചെയ്തിരിക്കുന്നതെന്ന് മിശ്രയ്ക്ക് വേണ്ടി ഹാജരായ അഭിഭാഷകന് പറഞ്ഞു.
