ആലപ്പുഴ - പുന്നപ്രയില്‍ കിടപ്പ് രോഗിയായ അച്ഛനെ മയക്കു മരുന്നിന് അടിമയായ മകന്‍ വാക്കര്‍ ഉപയോഗിച്ച് അടിച്ച് കൊലപ്പെടുത്തി. പുന്നപ്ര സ്വദേശി സെബാസ്റ്റ്യനാണ് (65) കൊല്ലപ്പെട്ടത്. സംഭവത്തില്‍ മകന്‍ സെബിന്‍ ക്രിസ്റ്റിയെ (26) പുന്നപ്ര പൊലീസ് കസ്റ്റഡിയില്‍ എടുത്തു. കിടപ്പ് രോഗിയായിരുന്നു സെബാസ്റ്റ്യന്‍ കട്ടിലില്‍ നിന്ന് വീണു മരിച്ചു എന്നാണ് സെബിന്‍ പൊലീസില്‍ അറിയിച്ചത്. പൊലീസ് നടത്തിയ അന്വേഷണത്തില്‍ സെബാസ്റ്റ്യന്റേത് കൊലപാതകമാണെന്ന് തെളിയുകയായിരുന്നു. കട്ടിലില്‍ നിന്ന് വീണ് മരിച്ചതാണെന്ന് വീട്ടുകാരെ അടക്കം തെറ്റിദ്ധരിപ്പിച്ചിരുന്നത്. എന്നാല്‍ വാക്കര്‍ കൊണ്ടാണ് സെബിന്‍ പിതാവിനെ അടിച്ചുകൊന്നതെന്ന് പൊലീസ് അന്വേഷണത്തില്‍ വ്യക്തമായി. സെബിന്‍ മയക്കുമരുന്നിന് അടിമയാണെന്ന് പൊലീസ് പറയുന്നു.
