(വടകര) കോഴിക്കോട് - വടകര ദേശീയപാതയിൽ കരിമ്പനപ്പാലത്ത് ചരക്കുവാഹനങ്ങൾ കൂട്ടിയടിച്ച് ഒരാൾ മരിച്ചു. കരിമ്പനപ്പാലത്ത് പഴയ പെട്രോൾ പമ്പിനു സമീപത്ത് ഇന്ന് രാവിലെ ആറോടെയാണ് അപകടം. തലശ്ശേരി ഭാഗത്ത് നിന്നെത്തിയ പിക്കപ്പ് ലോറി എതിരെ വന്ന ലോറിയിൽ ഇടിച്ചാണ് അപകടം. പിന്നാലെ മറ്റൊരു വാഹനത്തിലും ഇടിച്ചു.
പിക്കപ്പ് ലോറിയുടെ ഡ്രൈവർ സേലം സ്വദേശി രാജുവാണ് മരിച്ചത്. മറ്റൊരാൾക്ക് പരുക്കേറ്റു. ഇയാളുടെ നില അതീവ ഗുരുതരമാണ്.
ഫയർഫോഴ്‌സും നാട്ടുകാരും അപകടത്തിൽപെട്ടവരെ സമീപത്തെ സഹകരണ ആശുപത്രിയിലേക്ക് മാറ്റിയതായി പോലീസ് പറഞ്ഞു.
