ഒട്ടാവ- കാനഡ പ്രധാനമന്ത്രി ജസ്റ്റിന്‍ ട്രൂഡോയുടെ റേറ്റിംഗ് എക്കാലത്തെയും താഴ്ന്ന നിലയിലാണെന്ന് എന്‍. ഡി. ടി. വി നടത്തിയ സര്‍വേ. എന്‍. ഡി. ടി. വി ക്ലാസ്റ്റര്‍ കണ്‍സള്‍ട്ടിങ്ങുമായി ചേര്‍ന്നാണ് കാനഡയില്‍ വിപുലമായ വോട്ടെടുപ്പ് നടത്തിയത്.
ലിംഗഭേദം, പ്രായ വിഭാഗങ്ങള്‍, പ്രദേശങ്ങള്‍, മതങ്ങള്‍, വംശങ്ങള്‍ എന്നീ ഘടകങ്ങള്‍ ഉള്‍പ്പെടുത്തി 18 വയസ്സിന് മുകളിലുള്ള 800 കനേഡിയന്‍ പൗരന്മാര്‍ക്കിടയിലാണ് എന്‍. ഡി. ടി. വി ക്ലാസ്റ്റര്‍ കണ്‍സള്‍ട്ടിങ്ങ് ടീം വോട്ടെടുപ്പ് നടത്തിയത്. ഒക്ടോബര്‍ ഒന്നിനും ഒക്ടോബര്‍ അഞ്ചിനും ഇടയിലായിരുന്നു വോട്ടെടുപ്പ് നടത്തിയത്. ഫലങ്ങളില്‍ മൂന്നര ശതമാനം പോയിന്റുകളുടെ തെറ്റുകള്‍ക്ക് സാധ്യതയുണ്ട്.
സര്‍വേയിലെ ആദ്യ ചോദ്യം 'കനേഡിയന്‍ക്കാര്‍ക്ക് ഏറ്റവും പ്രധാനപ്പെട്ട വിഷയങ്ങള്‍ എന്തൊക്കെയാണ് എന്നതായിരുന്നു. ജീവിതച്ചെലവും പാര്‍പ്പിടവും പോലെയുള്ള പോക്കറ്റ്ബുക്ക് പ്രശ്‌നങ്ങള്‍ ശരാശരി കനേഡിയന്‍ ജനതയെ സംബന്ധിച്ചിടത്തോളം ഏറ്റവും പ്രധാനപ്പെട്ടതാണെന്ന് കണ്ടെത്തലുകള്‍ വെളിപ്പെടുത്തുന്നു. ആരോഗ്യ സംരക്ഷണവും പരിസ്ഥിതിയും. ജീവിതച്ചെലവും പണപ്പെരുപ്പവുമാണ് ഇതുവരെ ഏറ്റവും പ്രധാനപ്പെട്ടതെന്ന് 46 ശതമാനം പേരും ഭവനനിര്‍മ്മാണം പ്രധാനകാര്യമാണെന്ന് 11 ശതമാനം പേരും പറഞ്ഞു.
പ്രധാനമന്ത്രിയെന്ന നിലയില്‍ ട്രൂഡോയുടെ പ്രകടനത്തെക്കുറിച്ച് എന്താണ് ചിന്തിക്കുന്നതെന്ന ചോദ്യത്തിന് 54 ശതമാനം പേരും അദ്ദേഹം ചെയ്യുന്ന ജോലിയെ അംഗീകരിക്കുന്നില്ലെന്നാണ് പറഞ്ഞത്. 2025-ല്‍ നാലാം തവണയും തിരഞ്ഞെടുക്കപ്പെടാന്‍ ശ്രമിക്കുന്ന പ്രധാനമന്ത്രിയെ ആശങ്കപ്പെടുത്തുന്ന കാര്യം 38 ശതമാനം പേര്‍ അദ്ദേഹത്തിന്റെ പ്രകടനത്തെ അംഗീകരിക്കുന്നില്ല എന്ന് പറഞ്ഞതാണ്.
ഭൂരിഭാഗം കാനഡക്കാരും ഇന്ത്യയുമായുള്ള ബന്ധത്തെ വിലമതിക്കുന്നതായി സര്‍വേ സൂചിപ്പിക്കുന്നു. 20 ശതമാനം പേര്‍ മാത്രമാണ് പ്രധാനമല്ലെന്ന് പറഞ്ഞത്.
ഇന്ത്യയ്‌ക്കെതിരായ ട്രൂഡോയുടെ ആരോപണങ്ങള്‍ക്ക് ശേഷം ബന്ധം തകര്‍ന്നതായി താങ്കള്‍ക്ക് തോന്നിയോ എന്ന ചോദ്യത്തിന് 65 ശതമാനം പേര്‍ മോശമായതായി പറഞ്ഞു. സര്‍വേയില്‍ പങ്കെടുത്തവരില്‍ 15 ശതമാനം പേര്‍ നല്ലതോ മോശമോ അല്ലെന്നും 12 ശതമാനം പേര്‍ അറിയില്ല എന്നും പറഞ്ഞു.
പ്രധാനമന്ത്രി ട്രൂഡോ സാഹചര്യം തെറ്റായി കൈകാര്യം ചെയ്യുകയും ഇന്ത്യയുമായുള്ള കാനഡയുടെ ബന്ധം അപകടത്തിലാക്കുകയും ചെയ്തുവെന്ന പ്രധാന ചോദ്യത്തിന് 41 ശതമാനം കാനഡക്കാര്‍ അതെ എന്നാണ് പറഞ്ഞത്. എന്നാല്‍ എന്നാല്‍ 27 ശതമാനം അദ്ദേഹം അത് നന്നായി കൈകാര്യം ചെയ്തുവെന്നും പറഞ്ഞു.
ട്രൂഡോയുടെ റേറ്റിംഗുകള്‍ എക്കാലത്തെയും താഴ്ന്ന നിലയിലായതിനാല്‍ പ്രധാനമന്ത്രി ഈ വിഷയം ഉന്നയിക്കുകയും സ്വന്തം പരാജയങ്ങളില്‍ നിന്ന് വ്യതിചലിപ്പിക്കാന്‍ ഇന്ത്യയുമായുള്ള ബന്ധം അപകടത്തിലാക്കുകയും ചെയ്തോ എന്ന ചോദ്യവും ഉണ്ടായി. 39 ശതമാനം കാനഡക്കാര്‍ ഇത് ഒരു ശ്രദ്ധ തിരിക്കാനുള്ള തന്ത്രമാണെന്ന് പറഞ്ഞു. 35 ശതമാനമാണ് അങ്ങനെയല്ലെന്ന് അഭിപ്രായപ്പെട്ടത്.
