ഉജ്ജയിൻ- ബലാത്സംഗത്തിന് ഇരയായ പന്ത്രണ്ടുകാരി സഹായം തേടി വീടുവീടാന്തരം കയറിയിറങ്ങിയിട്ടും ഒരാളും സഹായിച്ചില്ല. അവസാനം മധ്യപ്രദേശിലെ ഉജ്ജയിനിലെ ക്ഷേത്രത്തിലെ പുരോഹിതനാണ് പെൺകുട്ടിയെ രക്ഷിച്ചത്. സഹായം തേടി പന്ത്രണ്ടുകാരി തനിക്ക് സമീപമെത്തുമ്പോഴത്തെ ഭയാനകമായ കാഴ്ച വിവരിക്കുകയാണ് രാഹുൽ ശർമ എന്ന പുരോഹിതൻ. ഉജ്ജയിൻ നഗരത്തിൽ നിന്ന് 15 കിലോമീറ്റർ അകലെ ബദ്നഗർ റോഡിലെ ഒരു ആശ്രമവുമായി ബന്ധമുള്ളയാളാണ് രാഹുൽ ശർമ്മ.
തിങ്കളാഴ്ച രാവിലെ 9.30 ഓടെ ആശ്രമത്തിൽ നിന്ന് ജോലിക്കായി പോകുമ്പോൾ ഗേറ്റിന് സമീപം അർദ്ധനഗ്‌നയായ നിലയിൽ രക്തം വാർന്ന നിലയിൽ പെൺകുട്ടിയെ കണ്ടു. 'ഞാൻ അവൾക്ക് എന്റെ വസ്ത്രങ്ങൾ കൊടുത്തു. അവൾക്ക് ചോര വാർന്നുവരുന്നുണ്ടായിരുന്നു. അവൾക്ക് സംസാരിക്കാൻ കഴിയുന്നുണ്ടായിരുന്നില്ല. അവളുടെ കണ്ണുകൾ വീർത്തിരുന്നു. ഞാൻ 100 ൽ വിളിച്ചു. ഹെൽപ്പ് ലൈനിൽ പോലീസിനെ ബന്ധപ്പെടാൻ കഴിയാതെ വന്നപ്പോൾ ഞാൻ മഹക്കൽ പോലീസ് സ്റ്റേഷനിൽ ബന്ധപ്പെടുകയും സ്ഥിതിഗതികൾ അവരെ അറിയിക്കുകയും ചെയ്തു. പോലീസ് ഏകദേശം 20 മിനിറ്റിനുള്ളിൽ ആശ്രമത്തിലെത്തി- അദ്ദേഹം പറഞ്ഞു.
പരിക്കേറ്റ് അർദ്ധനഗ്‌നയായ പെൺകുട്ടിയുടെ സി.സി.ടി.വി ദൃശ്യങ്ങൾ സഹായത്തിനായി വീടുവീടാന്തരം കയറിയിറങ്ങിയിട്ടും ആരും സഹായിച്ചില്ല. അവൾ അവന്റെ അടുത്തേക്ക് വരുമ്പോൾ ഒരാൾ അവളെ ആട്ടിയോടിക്കുന്നത് കാണുന്നുണ്ടായിരുന്നു. അയൽപക്കത്തെ ഒരു ആശ്രമത്തിൽ എത്തിയ ശേഷമാണ് അവൾക്ക് സഹായം ലഭിച്ചത്.
പെൺകുട്ടി തങ്ങളോട് സംസാരിക്കുന്നുണ്ടായിരുന്നു. എന്നാൽ കുട്ടിയുടെ വിശദാംശങ്ങൾ മനസിലാക്കാനായില്ല. അവൾ സുരക്ഷിതയാണെന്നും അവളുടെ കുടുംബവുമായി ബന്ധപ്പെടാനുള്ള വിവരങ്ങൾ പങ്കുവെക്കണമെന്നും ഞങ്ങൾ ഉറപ്പുനൽകി. പെൺകുട്ടി ആകെ ഭയന്നുവിറച്ചിരുന്നു. ആരെങ്കിലും വരുമ്പോഴെല്ലാം അവൾ എന്റെ പിന്നിൽ ഒളിക്കാൻ ശ്രമിച്ചു. പിന്നീട് പോലീസ് വന്ന് അവളെ കൊണ്ടുപോയി. സംഭവത്തെക്കുറിച്ച് അന്വേഷിക്കാൻ പോലീസ് പ്രത്യേക അന്വേഷണ സംഘത്തിന് രൂപം നൽകിയിട്ടുണ്ട്. ബലാത്സംഗത്തിന് കേസ് രജിസ്റ്റർ ചെയ്യുകയും കുട്ടികളെ ലൈംഗിക കുറ്റകൃത്യങ്ങളിൽ നിന്ന് സംരക്ഷിക്കുന്നതിനുള്ള (പോക്സോ) നിയമത്തിന്റെ വകുപ്പുകൾ ചുമത്തുകയും ചെയ്തിട്ടുണ്ട്. പെൺകുട്ടിയുടെ ആരോഗ്യനില തൃപ്തികരമാണെന്ന് സംസ്ഥാന ആഭ്യന്തര മന്ത്രി നരോത്തം മിശ്ര ഇന്നലെ അറിയിച്ചു.
