ഹൈദരാബാദ്- നബിദിന, ഗണേശ ചതുർഥി ആഘോഷങ്ങൾക്ക് മുന്നോടിയായ ഹൈദരാബാദിൽ സമാധാനപരമായ അന്തരീക്ഷം നിലനിർത്താൻ പോലീസ് എല്ലാ മാർഗങ്ങളും സ്വകീരിക്കുന്നു. ഈ ശ്രമങ്ങളുടെ ഭാഗമായി നഗരത്തിലെ പോലീസ് ഗണേശ ചതുർഥി പന്തലുകളിൽ ദേശീയ പതാകകൾ വിതരണം ചെയ്തു തുടങ്ങി. രണ്ട് ആഘോഷങ്ങൾക്കും മതപതാക ഉപയോഗിക്കുന്നത് നഗരത്തിലെ സമാധാനപരമായ അന്തരീക്ഷം തകർക്കുമെന്നും അസ്വസ്ഥതകൾക്ക് കാരണമാകുമെന്നും വിലയിരുത്തിയാണ് പോലീസിന്റെ ദേശിയ പതാക പരീക്ഷണം. ഹൈദരാബാദ് സൗത്ത് സോൺ പോലീസ് വവിധ ഗണേശ പന്തലുകളിൽ ദേശീയ പതാകകൾ വിതരണം ചെയ്തു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
ഹൈദരാബാദിൽ നബിദിന ഘോഷയാത്രക്കും പോലീസുകാർ ത്രിവർണ്ണ പതാക വിതരണം ചെയ്യുമെന്ന് പോലീസ് ഉദ്യോഗസ്ഥർ പറഞ്ഞു.
ഗണേശ ചതുർഥി സെപ്റ്റംബർ 28 ന് നടത്താനാണ് തീരുമാനിച്ചിരിക്കുന്നത്. ഗണേശ വിഗ്രഹ നിമജ്ജനത്തിന് മാത്രമല്ല നഗരത്തിൽ സമാധാന അന്തരീക്ഷം ഉറപ്പാക്കാനും ആവശ്യമായ എല്ലാ സജ്ജീകരണങ്ങളും പോലീസ് ഒരുക്കുന്നുണ്ട്.
നേരത്തെ, ഹൈദരാബാദിലെ ഗണേശോത്സവം കണക്കിലെടുത്ത് സെപ്തംബർ 30 ന് രാവിലെ 6 മണി വരെ പൊതുസ്ഥലങ്ങളിൽ പടക്കം പൊട്ടിക്കുന്നതിന് നിരോധനം ഏർപ്പെടുത്താൻ സിറ്റി പോലീസ് തീരുമാനിച്ചിരുന്നു.
