റിയാദ് - റിയാദ് പ്രവിശ്യയിൽ പെട്ട അഫീഫിൽ ഓട്ടിസം ബാധിച്ച ഒമ്പതു വയസുകാരൻ വീടിനു സമീപത്ത് നിർമാണത്തിലുള്ള കെട്ടിടത്തിലെ ഭൂഗർഭ വാട്ടർ ടാങ്കിൽ വീണ് മുങ്ങിമരിച്ചു. കുടുംബാംഗങ്ങളുടെ ശ്രദ്ധയിൽ പെടാതെ ബാലൻ വീട്ടിൽ നിന്ന് പുറത്തിറങ്ങുകയായിരുന്നു. കുട്ടിയെ കാണാതായതിനെ തുടർന്ന് കുടുംബാംഗങ്ങളും ബന്ധുക്കളും അയൽവാസികളും നടത്തിയ തിരച്ചിലിലാണ് വാട്ടർ ടാങ്കിൽ മുങ്ങിമരിച്ചു കിടക്കുന്ന നിലയിൽ കണ്ടെത്തിയത്. സിവിൽ ഡിഫൻസ് അധികൃതർ മൃതദേഹം പുറത്തെടുത്ത് ആശുപത്രിയിലേക്ക് നീക്കി.
