ഇംഫാല് - മണിപ്പൂരില് നടന്ന അക്രമ സംഭവങ്ങള്ക്ക് കാരണം കോണ്ഗ്രസ് പാര്ട്ടിയാണെന്ന് മണിപ്പൂര് മുഖ്യമന്ത്രി എന്. ബിരേന് സിംഗ്. സംസ്ഥാനത്ത് സമാധാന അന്തരീക്ഷം തിരിച്ചെത്തിയിട്ടുണ്ടെന്നും ലഡാക്കിലുള്ള രാഹുല് ഗന്ധി അവിടെയുള്ള വിഷയങ്ങളെക്കുറിച്ച് സംസാരിച്ചാല് മതിയെന്നും ബിരേന് സിംഗ് പറഞ്ഞു. മണിപ്പൂര് അക്രമത്തെക്കുറിച്ചുള്ള രാഹുല് ഗാന്ധിയുടെ പ്രസ്താവനയോട് പ്രതികരിക്കുകയായിരുന്നു അദ്ദേഹം. പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും പാര്ലമെന്റില് നടത്തിയ പ്രസ്താവനകള്ക്ക് ശേഷം മണിപ്പൂരില് സമാധാനം തിരിച്ചുവരുകയാണെന്നും ബിരേന് സിംഗ് പറഞ്ഞു.
