കൊൽക്കത്ത- ജാദവ്പൂര് യുനിവേഴ്സറ്റിയിലെ ഒന്നാം വർഷ വിദ്യാർഥി കെട്ടിടത്തിൽനിന്ന് വീണ് മരിക്കുന്നതിനു മുമ്പ് മുതിർന്ന വിദ്യാർഥികൾ നഗ്നനാക്കി നടത്തിച്ചിരുന്നുവെന്ന് പോലീസ് അന്വേഷണത്തിൽ സ്ഥിരീകരിച്ചു. കഴിഞ്ഞ ഒമ്പതിനാണ് വിദ്യാർഥി കെട്ടിടത്തിൽനിന്ന് വീണു മരിച്ചത്.
മെയിൻ ഹോസ്റ്റിലലാണ് വിദ്യാർഥി ലൈംഗികാതിക്രമത്തിന് ഇരയായതെന്ന് കൊൽക്കത്ത പോലീസ് പറഞ്ഞു. 12 വിദ്യാർഥികളാണ് ഒന്നാം വർഷ വിദ്യാർഥിയെ റാഗിംഗിന് ഇരയാക്കിയത്. നഗ്നനാക്കി നടത്തിച്ചതിനു മുന്നോടിയായി വിദ്യാർഥി പ്രകൃതി വിരുദ്ധ ലൈംഗിക പീഡനത്തിന് ഇരയായിരുന്നുവെന്നും പോലീസ് പറഞ്ഞു.
ജാദവ്പൂർ സർവ്വകലാശാലയിലെ ഒന്നാം വർഷ വിദ്യാർത്ഥി സ്വപ്നദീപ് കുന്ദുവിനെ പ്രധാന ഹോസ്റ്റലിന്റെ രണ്ടാം നിലയുടെ ഇടനാഴിയിലാണ് നഗ്നനാക്കി പരേഡ് നടത്തിയത്. അവിടെ നിന്നാണ് വീണു മരിച്ചതെന്ന് പ്രാഥമിക അന്വേഷണത്തിന് ശേഷം കൊൽക്കത്ത പോലീസ് വെളിപ്പെടുത്തി. അറസ്റ്റിലായ 12 പേർക്കും സർവകലാശാലയിൽ നടന്ന റാഗിംഗുമായി ബന്ധമുണ്ടെന്നും പോലീസ് പറഞ്ഞു.
