മീറത്ത്- പോലീസ് സാന്നിധ്യത്തിൽ വെടിവെച്ചകൊന്നു ഗുണ്ടാ-രാഷ്ട്രീയ നേതാവായ അതീഖ് അഹമ്മദിന്റെ സഹോദരി ആയിഷ നൂരിയുടെ സ്വത്തുക്കൾ കണ്ടുകെട്ടുന്നതിന് വീട്ടിൽ നോട്ടീസ് പതിച്ചു. ഭവാനി നഗർ പ്രദേശത്തെ നൗചണ്ടി പോലീസ് സ്റ്റേഷനു കീഴിലുള്ള വസതിയിലാണ് ക്രിമിനൽ നടപടി ചട്ടം സെക്ഷൻ 82 പ്രകാരം സ്വത്ത് കണ്ടുകെട്ടുന്നതുമായി ബന്ധപ്പെട്ട് പ്രയാഗ്‌രാജ് പോലീസ് നോട്ടീസ് പതിച്ചുത്.
ഉമേഷ് പാൽ വധക്കേസിലെ പ്രതിയും പിന്നീട് പോലീസ് ഏറ്റുമുട്ടലിൽ കൊല്ലപ്പെട്ട ആസാദിനും ഒളിവിൽപ്പോയ ഷൂട്ടർ ഗുഡ്ഡു മുസ്ലിമിനും അഭയം നൽകിയതിന് ആയിഷ നൂരിയെ പിടികിട്ടാനുണ്ടെന്ന് നൗചണ്ടി പോലീസ് സ്റ്റേഷനിലെ സ്റ്റേഷൻ ഹൗസ് ഓഫീസർ (എസ്എച്ച്ഒ) എച്ച്.കെ സക്സേന പറഞ്ഞു.
അവൾക്കെതിരെ ജാമ്യമില്ലാ വാറണ്ട് പുറപ്പെടുവിച്ച ആയിഷ നൂരി പിടിതരാതെ ഒഴിഞ്ഞുമാറുകയാണെന്നും ഇതുവരെ കോടതിയിൽ കീഴടങ്ങിയിട്ടില്ലെന്നും അദ്ദേഹം പറഞ്ഞു. തുടർന്നാണ് പോലീസ് സംഘം പ്രദേശം സന്ദർശിച്ച് ഭവാനി നഗറിലെ നൂരിയുടെ വസതിയിൽ നോട്ടീസ് പതിച്ചതെന്ന് സക്സേന പറഞ്ഞു. കോടതിയിലോ പോലീസിലോ കീഴടങ്ങിയില്ലെങ്കിൽ അവളുടെ സ്വത്ത് കണ്ടുകെട്ടും.
