കൊച്ചി- കേരളത്തിൽ സ്വർണവിലയിൽ ഇടിവ്. 22 കാരറ്റ് സ്വർണം പവന് 280 രൂപ കുറഞ്ഞ് 43,280 രൂപയായി. ഗ്രാമിന് 35 രൂപ കുറഞ്ഞ് 5,410 രൂപയായി. ഇത് ഈ മാസത്തെ ഏറ്റവും കുറഞ്ഞ നിരക്കാണ്. അന്താരാഷ്ട്ര സ്വർണവിലയിലും വ്യാഴാഴ്ച ഇടിവ് രേഖപ്പെടുത്തി. ഔൺസിന് 1,893 യുഎസ് ഡോളറാണ് അന്താരാഷ്ട്ര മാർക്കറ്റിൽ വില.
24 കാരറ്റ് സ്വർണം പവന് 304 രൂപ കുറഞ്ഞ് 47,216 രൂപയായി. ഗ്രാമിന് 38 രൂപ കുറഞ്ഞ് 5,902 രൂപയാണ് വിപണി വില. ഈ മാസം ആദ്യം മുതലാണ് സ്വർണവില താഴ്ന്നു തുടങ്ങിയത്. വെള്ളി വിലയും വ്യാഴാഴ്ച കുറഞ്ഞു. ഗ്രാമിന് 50 പൈസ കുറഞ്ഞ് 75.70 രൂപയും എട്ട് ഗ്രാമിന് നാലു രൂപ കുറഞ്ഞ് 605.60 രൂപയുമായി.
