വാരണാസി- ഇന്ത്യയില്‍ തക്കാളിയുടെ വില കുതിച്ചുയരുന്നതിനാല്‍, വാരണാസിയിലെ ഒരു ടാറ്റൂ ഷോപ്പുടമ തന്റെ കടയില്‍ ടാറ്റൂ ചെയ്യുന്ന ആര്‍ക്കും ഒരു കിലോഗ്രാം തക്കാളി വാഗ്ദാനം ചെയ്യുന്നു. നഗരത്തിലുടനീളമുള്ള ആളുകള്‍ക്കിടയില്‍ ഓഫര്‍ തരംഗമായി. അവര്‍ എല്ലാ ദിവസവും കടയിലേക്ക് ഒഴുകുകയാണ്.
തക്കാളി വില കുതിച്ചുയരുന്നതിനാല്‍ ഈ അവസരം പരമാവധി പ്രയോജനപ്പെടുത്താനാണ് താന്‍ ചിന്തിച്ചതെന്ന് വാരണാസിയിലെ സിഗ്ര ഏരിയയില്‍ സ്ഥിതി ചെയ്യുന്ന ടാറ്റൂ ഷോപ്പിന്റെ ഉടമ അശോക് ഗോഗിയ പറഞ്ഞു.
ടാറ്റൂ പ്രേമികളുടെ എണ്ണത്തില്‍ കുതിച്ചുചാട്ടം ഞങ്ങള്‍ കാണുന്നു, ഇത് ശുഭകരമായി കണക്കാക്കപ്പെടുന്നു. തക്കാളിയുടെ വില കുത്തനെ ഉയര്‍ന്നതിന്റെ വെളിച്ചത്തില്‍, കൂടുതല്‍ ഉപഭോക്താക്കളെ ആകര്‍ഷിക്കാന്‍ ഈ ഓഫര്‍ അവതരിപ്പിക്കാമെന്ന് ഞാന്‍ കരുതി. അത് വിജയിച്ചു- അദ്ദേഹം പറഞ്ഞു.
ടാറ്റൂകള്‍ക്ക് മുമ്പത്തെ അതേ തുകയാണ് ഉപഭോക്താക്കളില്‍ നിന്ന് ഈടാക്കുന്നതെന്നും അദ്ദേഹം പറഞ്ഞു. 'ഞങ്ങള്‍ ഒരു ടാറ്റൂവിന് ഒരു കിലോ തക്കാളി സൗജന്യമായി നല്‍കുന്നു, വിലയില്‍ മാറ്റമില്ല. തക്കാളി വില ഉയര്‍ന്ന നിലയില്‍ തുടരുന്നിടത്തോളം ഈ ഓഫര്‍ തുടരും- ഗോഗിയ പറഞ്ഞു.
ഓഫര്‍ തന്റെ ബിസിനസിനെ ലാഭത്തിലാക്കിയെന്ന് ഊന്നിപ്പറയുന്ന കടയുടമ അശോക് ഗോഗിയ, ഇത് ഇന്ത്യയില്‍ ഇത്തരത്തിലുള്ള ആദ്യ പദ്ധതിയാണെന്നും തൃപ്തികരമായ പ്രതികരണമാണ് ലഭിക്കുന്നതെന്നും പറഞ്ഞു.
