ഷിംല- ഷിംല ജില്ലയിലെ കോട്ഖായ് പ്രദേശത്ത് നാലുവയസുകാരിയെ അമ്മാവൻ ലൈംഗികമായി പീഡിപ്പിച്ച് കൊലപ്പെടുത്തിയതായി പോലീസ് അറിയിച്ചു. ശനിയാഴ്ച താനും കുടുംബാംഗങ്ങളുമൊത്ത് ജോലിക്ക് പോയിരുന്നെന്നും ഉച്ചയ്ക്ക് ശേഷം തിരിച്ചെത്തിയപ്പോൾ പെൺകുട്ടിയെ വീട്ടിൽ നിന്ന് കാണാതായതായി പെൺകുട്ടിയുടെ പിതാവ് പരാതിയിൽ പറഞ്ഞു. തെരച്ചിലിനിടെ, 'ദേര'യിൽ നിന്ന് (താൽക്കാലികമായി നിർമ്മിച്ച വീട്) 200 മീറ്റർ അകലെ കുട്ടിയുടെ ചെരിപ്പുകൾ അവർ കണ്ടെത്തി. അടുത്തു തന്നെ കുട്ടിയുടെ മൃതദേഹവും കാണാനായി. പെൺകുട്ടിയുടെ അമ്മാവനായ ദേശ്രാജ് ആണ് പെൺകുട്ടിയെ കൊലപ്പെടുത്തിയത്. പെൺകുട്ടിയെ ലൈംഗികമായി പീഡിപ്പിക്കുകയും കഴുത്ത് ഞെരിച്ച് കൊലപ്പെടുത്തുകയുമായിരുന്നുവെന്നാണ് പ്രാഥമിക അന്വേഷണത്തിൽ വ്യക്തമായത്. ഐപിസി സെക്ഷൻ 302, 376, കുട്ടികൾക്കെതിരായ ലൈംഗികാതിക്രമങ്ങൾ തടയൽ (പോക്സോ) നിയമത്തിലെ സെക്ഷൻ 4, 6 എന്നിവ പ്രകാരമുള്ള ലൈംഗികാതിക്രമത്തിനും കൊലപാതകത്തിനും കേസ് രജിസ്റ്റർ ചെയ്തതായും പ്രതിയെ അറസ്റ്റ് ചെയ്തതായും പോലീസ് അറിയിച്ചു.
