ടിഷ്യു കൊണ്ടുപോലും ദേഹത്ത് തൊടാനാകില്ല, മനുഷ്യരാശി ഇന്നോളം രേഖപ്പെടുത്തിയ കൊടുംവേദന സഹിച്ച് പെൺകുട്ടി

സിഡ്‌നി- ഒരു മനുഷ്യന് ജീവിതത്തിൽ അനുഭവിക്കാവുന്ന ഏറ്റവും കൊടിയ വേദനയുമായി പത്തു വയസുകാരി. പെൺകുട്ടിയെ ആരെങ്കിലും തൊടുമ്പോഴോ എവിടെയെങ്കിലും സ്പർശിക്കുമ്പോഴോ അതികഠിനമായ വേദന അനുഭവിക്കുന്ന അപൂർവ്വ രോഗാവസ്ഥയാണിത്. വലുതുകാലിലാണ് അസഹനീയമായ വേദന അനുഭവപ്പെടുന്നത്. മനുഷ്യരാശി അനുഭവിക്കുന്ന വേദനയുടെ പരകോടിയിലെ വേദന എന്നാണ് ഇതിനെ വിളിക്കുന്നത്. ബെല്ല മേസി എന്ന പെൺകുട്ടിക്കാണ് രോഗാവസ്ഥ കണ്ടെത്തിയത്. ഫിജിയിൽ കുടുംബവുമൊത്ത് അവധിക്കാലം ആഘോഷിക്കുമ്പോഴാണ് വേദന കണ്ടെത്തിയത്. വലതു കാലിലെ ഒരു കുമിളയ്ക്ക് രോഗം ബാധിച്ചതോടെയാണ് ഇതിന് തുടക്കമായത്. പിന്നീട് കോംപ്ലക്‌സ് റീജിയണൽ പെയിൻ സിൻഡ്രോം (സിആർപിഎസ്) ഉണ്ടെന്ന് കണ്ടെത്തി. ഇതിനെ മനുഷ്യരാശിക്ക് അറിയാവുന്ന 'ഏറ്റവും വേദനാജനകമായ അവസ്ഥ എന്നാണ് വിളിക്കുന്നത്. 

'രോഗനിർണ്ണയം മുതൽ പെൺകുട്ടി അതികഠിനമായ വേദനയെ അഭിമുഖീകരിക്കുകയാണ്. വലതുകാലിന്റെ ഞരമ്പ് വരെ ചലനശേഷി നഷ്ടപ്പെടുകയും ചെയ്തു. വിട്ടുമാറാത്തതും കഠിനവുമായ വേദനയ്ക്ക് കാരണമാകുന്ന അപൂർവവും ഭേദമാക്കാനാവാത്തതുമായ സിൻഡ്രോം ആണ് സിആർപിഎസ്. മൂർച്ചയുള്ളതും കത്തുന്നതുമായി വേദനയാണിത്. 
'എനിക്ക് കുളിക്കാൻ കഴിയില്ല, എനിക്ക് ഷീറ്റുകളോ മറ്റോ ഇടാൻ കഴിയില്ല. ഒരു ടിഷ്യു ഉപയോഗിച്ച് പോലും നിങ്ങൾക്ക് തൊടാൻ കഴിയില്ല. എന്തൊരു ചെറിയ വസ്തു ദേഹത്ത് തൊട്ടാൽ പോലും കഠിനമായ വേദനയാണിത്. ചെറിയ പരിക്കുകളോ ശസ്ത്രക്രിയകളോ മൂലമുണ്ടാകുന്ന അപൂർവ അവസ്ഥയാണ് ബെല്ലയുടെ ജീവിതത്തെ സ്തംഭിപ്പിച്ചിരിക്കുന്നത്. 10 വയസ്സുകാരിക്ക് ചലിക്കാനോ അവളുടെ കാലിലും കാലിലും സ്പർശനമോ സംവേദനമോ സഹിക്കാനോ സ്‌കൂളിൽ പോകാനോ സുഹൃത്തുക്കളുമായി കളിക്കാനോ പാന്റ്‌സ് ധരിക്കാനോ പോലും കഴിയുന്നില്ല. ബെല്ലയുടെ കുടുംബത്തിന് ഓസ്ട്രേലിയയിൽ മികച്ച ചികിത്സ ലഭിക്കാതെ വന്നതോടെ അമേരിക്കയിലേക്ക് പോകാനിരിക്കുകയാണ്. എന്നാൽ ചികിത്സക്കുള്ള പണം കണ്ടെത്താനായിട്ടില്ല.