ന്യൂദല്‍ഹി-ജമ്മു കശ്മീരിലുണ്ടായ ഭൂചലനത്തെ തുടര്‍ന്ന് ഉത്തരേന്ത്യയുടെ പലഭാഗത്തും പ്രകമ്പനങ്ങള്‍. ജമ്മു കശ്മീരിലെ കിശ്ത്വറിന് 30 കി.മീ തെക്കുപടിഞ്ഞാറും പഞ്ചാബിലെ ചണ്ഡീഗഢിലും ശക്തമായ ഭൂചലനം അനുഭവപ്പെട്ടതായി ഭൂചലന നിരീക്ഷ ഏജന്‍സികളുടെ റിപ്പോര്‍ട്ടുകളില്‍ പറയുന്നു.
ചണ്ഡീഗഡില്‍ സാമാന്യം ശക്തമായ ഭൂചലനാണ് അനുഭവപ്പെട്ടത്. ദല്‍ഹിയിലും ആഘാതമുണ്ടായി. റിക്ടര്‍ സ്‌കെയിലില്‍ 5.7 തീവ്രത രേഖപ്പെടുത്തിയ ഭൂചലനമാണ് ജമ്മു കശ്മീരിലെ കിശ്ത്വറിന് 30 കിലോമീറ്റര്‍ തെക്കുകിഴക്കായി ഉണ്ടായതെന്ന് ഇഎംഎസ് സി അറിയിച്ചു.
ജമ്മു കശ്മീരിലെ ദോദയിലാണ് ഭൂചലനത്തിന്റെ പ്രഭവകേന്ദ്രം. ഉച്ചയ്ക്ക് 1.30ന് ശേഷമാണ് ഭൂചലനം അനുഭവപ്പെട്ടത്. കൂടുതല്‍ വിവരങ്ങള്‍ ലഭ്യമായിട്ടില്ല.
നേരത്തെ, മ്യാന്‍മറില്‍ 3.7 തീവ്രത രേഖപ്പെടുത്തിയ ഭൂചലനം ഉണ്ടായതായി നാഷണല്‍ സെന്റര്‍ ഫോര്‍ സീസ്‌മോളജി (എന്‍സിഎസ്) അറിയിച്ചു. മ്യാന്‍മറില്‍ ചൊവ്വാഴ്ച പുലര്‍ച്ചെ 2:53 ന് 10 കിലോമീറ്റര്‍ ആഴത്തിലാണ് ഭൂചലനം ഉണ്ടായത്.
