ഭുവനേശ്വര്‍ - രാജ്യത്തെ നടുക്കിയ ഒഡീഷയിലെ ട്രെയിന്‍ ദുരന്തത്തിന് കാരണക്കാരായവരെ വെറുതെ വിടില്ലെന്ന് പ്രധാനമന്ത്രി നരേന്ദ്രമോഡി. സംഭവത്തില്‍ കൃത്യമായ അന്വേഷണം നടത്തി അപകടത്തിന് ഉത്തരവാദികളായവര്‍ക്കെതിരെ കര്‍ശന നടപടിയുണ്ടാകുമെന്നും പ്രധാനമന്ത്രി ഒഡീഷയില്‍ മാധ്യമ പ്രവര്‍ത്തകരോട് പറഞ്ഞു. വേദന പങ്കുവയ്ക്കാന്‍ എനിക്ക് വാക്കുകള്‍ കിട്ടുന്നില്ല. അപകടത്തിന്റെ എല്ലാ വശങ്ങളും അറിയാന്‍ അന്വേഷണത്തിന് നിര്‍ദേശം നല്‍കിയിട്ടുണ്ട്. കുറ്റക്കാരെ വെറുതെ വിടില്ല. ട്രെയിന്‍ ഗതാഗതം ഉടന്‍ പുനസ്ഥാപിക്കുമെന്നും പ്രധാനമന്ത്രി വ്യക്തമാക്കി.
