ഹൈദരാബാദ്- തെലങ്കാനയില്‍ ഓടുന്ന ട്രെയിനില്‍ കയറാന്‍ ശ്രമിക്കുന്നതിനിടെ അപകടത്തില്‍ പെടുമായിരുന്ന യാത്രാക്കാരിയുടെ ജീവന്‍ രക്ഷിച്ച് റെയില്‍വേ സംരക്ഷണ സേനയിലെ (ആര്‍.പി.എഫ്) വനിതാ കോണ്‍സ്റ്റബിള്‍.
ബീഗംപേട്ട് സ്‌റ്റേഷനിലാണ് സംഭവം. ട്രെയിനിനും പ്ലാറ്റ്‌ഫോമിനുമിടയിലുള്ള വിടവില്‍ വീഴമായിരുന്ന യാത്രക്കാരിയെയാണ് കോണ്‍സ്റ്റബിള്‍ കുമാരി സനിത രക്ഷപ്പെടുത്തിയത്. സോഷ്യല്‍ മീഡിയയില്‍ പ്രചരിച്ച വീഡിയോയില്‍ മറ്റൊരു യാത്രക്കാരന്‍ കോണ്‍സ്റ്റബിളിനെ സഹായിക്കുന്നതും കാണാം.
വനിതാ കോണ്‍സ്റ്റബിളിന്റെ സമയോചിത പ്രതികരണത്തെ അഭിനന്ദിച്ച് ആര്‍പിഎഫ് സംഭവസ്ഥലത്തെ സിസിടിവി ദൃശ്യങ്ങള്‍ ട്വീറ്റ് ചെയ്തു.
Hats off to Kumari Sanita whose readiness worked like a shield and protected a lady passenger from imminent danger at Begumpet railway station.#JeevanRaksha #WeServeAndProtect pic.twitter.com/1LwqFZdl1s
— RPF INDIA (@RPF_INDIA) May 31, 2023
