കൊച്ചി- മഹാരാജാസ് കോളേജ് ഹോസ്റ്റലില്‍ എസ്.എഫ്.ഐ പ്രവര്‍ത്തകരും ക്യാംപസ് ഫ്രണ്ട് പ്രവര്‍ത്തകരും തമ്മിലുണ്ടായ സംഘട്ടനത്തില്‍ എസ്.എഫ്.ഐ പ്രവര്‍ത്തകന്‍ കുത്തേറ്റു മരിച്ചു. ഇടുക്കി വട്ടവട സ്വദേശിയും രണ്ടാം വര്‍ഷ ഫിലോസഫി വിദ്യാര്‍ഥിയുമായ അഭിമന്യു (20) ആണ് മരിച്ചത്. എസ്എഫ്‌ഐ പ്രവര്‍ത്തകനായ അര്‍ജുന്‍ (19) ഗുരുതരാവസ്ഥയില്‍ മെഡിക്കല്‍ ട്രസ്റ്റ് ആശുപത്രിയില്‍ ചികില്‍സയിലാണ്. പോസ്റ്റര്‍ ഒട്ടിക്കുന്നതിനെ ചൊല്ലിയുള്ള തര്‍ക്കമാണ് സംഘട്ടനത്തില്‍ കലാശിച്ചതെന്ന് പോലീസ് പറഞ്ഞു.
