മലപ്പുറം - താനൂര് ബോട്ട് അപകടത്തെക്കുറിച്ച് അന്വേഷിക്കാന് ജുഡീഷ്യല് കമ്മീഷനെ നിയമിക്കാന് മന്ത്രസഭാ യോഗം തീരുമാനിച്ചു. ജസ്റ്റിസ് വി കെ മോഹനന് കമ്മീഷനാണ് സംഭവത്തെക്കുറിച്ച് അന്വേഷണം നടത്തുക. സംസ്ഥാനത്തെ മുഴുവന് യാനങ്ങളിലും സ്പെഷ്യല് സ്ക്വാഡ് രൂപീകരിച്ച് പരിശോധന നടത്താന് തുറമുഖമന്ത്രി അഹമ്മദ് ദേവര്കോവിലിന്റെ അധ്യക്ഷതയില് ചേര്ന്ന ഉന്നതതല യോഗം തീരുമാനിച്ചു. ബോട്ടുകളില് കയറ്റാവുന്ന പരമാവധി യാത്രക്കാരുടെ എണ്ണം പൊതുജനങ്ങള്ക്ക് കാണാവുന്ന രീതിയില് പ്രദര്ശിപ്പിക്കും. തദ്ദേശസ്ഥാപനങ്ങളുടെ മേല്നോട്ടത്തില് ജാഗ്രതാ സമിതികള് രൂപീകരിക്കാനും തീരുമാനമായി.
