പാലക്കാട് - വീടിന്റെ ഭിത്തി പൊളിച്ചു മാറ്റുന്നതിനിടെ ഇടിഞ്ഞു വീണ് വീട്ടമ്മ മരിച്ചു. പാലക്കാട് കല്ലടിക്കോട് മണ്ണാത്തിപ്പാറ എബ്രഹാമിന്റെ ഭാര്യ ഷിജി (48) ആണ് മരിച്ചത്. ഷിജിയുടെ സഹോദരനും കുടുംബവും ഈ വീട്ടില്‍ നിന്നും മറ്റൊരു വീട്ടിലേക്ക് താമസം മാറിയ സമയത്തായിരുന്നു അപകടം. പഴയ വീടിന്റെ ഭിത്തി മറ്റൊരു സഹായിയോടൊപ്പം പൊളിച്ചുമാറ്റി കൊണ്ടിരിക്കുമ്പോള്‍ ഒരു വശത്തെ ഭിത്തി ഇടിഞ്ഞു ഷിജിയുടെ തലയിലേക്ക് വീഴുകയായിരിന്നു. ഗുരുതരമായി പരുക്കേറ്റ ഷിജിയെ ഉടന്‍തന്നെ മണ്ണാര്‍ക്കാടുള്ള സ്വാകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.
