തിരുവനന്തപുരം-യാത്രക്കാർക്ക് 70 ദിവസം നീളുന്ന ഷോപ്പിംഗ് ഫെസ്റ്റിവൽ ഒരുക്കി തിരുവനന്തപുരം അന്താരാഷ്ട്ര വിമാനത്താവളം. സമ്മർ കാർണിവൽ എന്ന പേരിലുള്ള ഷോപ്പിംഗ് ഫെസ്റ്റിവലിന്റെ രണ്ടാം സീസൺ നാളെ(ഞായർ) തുടങ്ങും. ജൂലൈ രണ്ടിന് അവസാനിക്കും. ആഭ്യന്തര, അന്താരാഷ്ട്ര ടെർമിനലുകളിലെ ഷോപ്പുകളിൽ 50% വരെ കിഴിവ് ഉൾപ്പെടെ പ്രത്യേക ഓഫറുകളും സമ്മാനങ്ങളും ഒരുക്കിയിട്ടുണ്ട്. ക്യുആർ കോഡ് വഴി ഓൺലൈൻ ഷോപ്പിങ്ങിനും അവസരമുണ്ട്.
