കോഴിക്കോട്- തിരുവമ്പാടിയിലെ അരിപ്പാറ വെള്ളച്ചാട്ടത്തിൽ രണ്ടു വിദ്യാർത്ഥികൾ മുങ്ങിമരിച്ചു. തിരുവണ്ണൂർ കൃഷ്ണ നിവാസിൽ അശ്വന്ത് കൃഷ്ണ(15) പാലാഴി പൂക്കോളത്ത് പറമ്പിൽ അഭിനവ്(13)എന്നിവരാണ് മരിച്ചത്. ഞായറാഴ്ച ഉച്ചക്ക് രണ്ടരയോടെയാണ് അപകടം. കുളിക്കാനിറങ്ങിയ അഞ്ചു കുട്ടികളാണ് അപകടത്തിൽ പെട്ടത്. മൂന്നുപേരെ ലൈഫ് ഗാർഡ് രക്ഷിച്ചു. അശ്വന്തിനെയും അഭിനവിനെയും പുറത്തെടുത്ത് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹങ്ങൾ മെഡിക്കൽ കോളേജ് ആശുപത്രിയിലേക്ക് മാറ്റി. മൂന്നു കുടുംബങ്ങളിലെ 14 അംഗ സംഘമാണ് അരിപ്പാറ സന്ദർശിക്കാൻ എത്തിയിരുന്നത്.
