ദമാം- സൗദി അറേബ്യയില്‍ നടന്ന ദുഃഖവെള്ളി ആചരണത്തിന്റെ വീഡിയോ സോഷ്യല്‍ മീഡിയയില്‍ പ്രചരിച്ചു. ഇന്ത്യന്‍ ഓര്‍ത്തഡോക്‌സ് സഭ പുറത്തുവിട്ട വീഡിയോ ആണ് വ്യാപകമായി ഷെയര്‍ ചെയ്യപ്പെടുന്നത്. സൗദിയില്‍ ചര്‍ച്ച് തുടങ്ങിയോ എന്ന അമ്പരപ്പോടെയാണ് പലരും വീഡിയോക്ക് താഴെ കമന്റ് ചെയ്യുന്നതും ഷെയര്‍ ചെയ്യുന്നതും.
സൗദി- കുവൈത്ത് അതിര്‍ത്തിയിലുള്ള അല്‍ഖഫ്ജിയിലെ സെന്റ് മേരീസ് ഇടവകയില്‍നടന്ന ദുഃഖവെള്ളി പ്രാര്‍ഥനയുടെ വീഡിയോ ആണ് ഓര്‍ത്തഡോക്‌സ് സഭ ഫേസ് ബുക്കില്‍ പങ്കുവെച്ചത്. ഇന്തയയിലെ വിവിധ സംസ്ഥാനങ്ങളിലേയും വിവിധ രാജ്യങ്ങളിലേയും ഇടവകകളില്‍നടന്ന പ്രാര്‍ഥനകളുടേയും ശുശ്രൂഷകളുടേയും വീഡിയോകള്‍ ഷെയര്‍ ചെയ്തതിനോടൊപ്പമാണ് സൗദി ഇടവകയിലെ ദൃശ്യങ്ങളും പങ്കുവെച്ചിരിക്കുന്നത്.
ഖഫ്ജി ഇടവകയില്‍ മലബാര്‍ ഭദ്രാസനം പ്രതിനിധി ഫാ. ജേക്കബ് കുരുവിളയാണ് ദുഃഖ വെള്ളി പ്രാര്‍ഥനക്ക് നേതൃത്വം നല്‍കിയത്.
