കൊച്ചി - നിർമാണത്തിലുള്ള കെട്ടിടത്തിലെ കോൺഗ്രീറ്റ് സ്ലാബ് ഇടിഞ്ഞു വീണ് രണ്ടുപേർ മരിച്ചു. അങ്കമാലി കറുകുറ്റി ഫെറോന പള്ളിക്കു സമീപത്തെ നിർമാണത്തിലുള്ള കെട്ടിടത്തിൽ ഇന്ന് രാവിലെയാണ് അപകടമുണ്ടായത്.
തൊഴിലാളികൾ കെട്ടിടത്തിന്റെ മുകളിലേക്ക് കയറുന്നതിനിടെയാണ് അപകടമുണ്ടായത്. കെട്ടിട നിർമാണത്തൊഴിലാളികളായ ജോണി അന്തോണി (52), വെസ്റ്റ് ബംഗാൾ സ്വദേശി അലി ഹസൻ (30) എന്നിവരാണ് മരിച്ചത്. രണ്ടുപേരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരിക്കേറ്റ മൂന്ന് പേരിൽ ഒരാളുടെ നില ഗുരുതരമാണ്.
കറുകുറ്റി ഫെറോന പള്ളിയുടെ സമീപത്ത് പണി നടക്കുന്ന കെട്ടിടത്തിന്റെ സ്ലാബാണ് ഇടിഞ്ഞ് വീണത്.