ജിദ്ദ- ജോലിയും ജീവിതത്തിരക്കുകളുമായി മുന്നോട്ട് പോകുന്ന പ്രവാസികള്‍ക്ക് വിശുദ്ധ റമദാനിനെ ശരിയാം വിധം പ്രയോജനപ്പെടുത്താന്‍ തയാറെടുപ്പുകള്‍ അനിവാര്യമാണെന്ന് ഉണര്‍ത്തുകയാണ് ജിദ്ദ ദഅ്‌വ സെന്ററിലെ മലയാളി പ്രബോധകന്‍ ഉമര്‍ കോയ മദീനി.
റമദാനിന്റെ പടിവാതില്‍ക്കല്‍ എത്തി നില്‍ക്കുകയാണ്. റമദാനെ ഫലപ്രദമായി ഉപയോഗപ്പെടുത്തണമെങ്കില്‍ കൃത്യതയാര്‍ന്ന ക്രമീകരണവും ആസൂത്രണവും അനിവാര്യമാണ്. ബിസിനസ്, കുടുംബം, പ്രവര്‍ത്തനങ്ങള്‍ തുടങ്ങിയവ സന്തുലിതമായി കൊണ്ടുപോകുന്ന ജീവിത സംസ്‌കാരത്തിലൂടെ മാത്രമെ അത് സാധ്യമാകൂ.
