ദമാം- പ്രവാസി വെൽഫെയർ ഈസ്റ്റേൺ പ്രൊവിൻസ് സെൻട്രൽ കമ്മിറ്റിയുടെ 2023-24 കാലത്തേയ്ക്കുള്ള പുതിയ കമ്മിറ്റിയെ തെരഞ്ഞെടുത്തു. ഗൾഫ് നാടുകളിലെ പേര് ഏകീകരണത്തിന് ശേഷം നടന്ന ആദ്യ തെരഞ്ഞെടുപ്പിൽ വംശീയ കാലത്ത് സാമൂഹ്യനീതിയുടെ കാവലാളാവുക എന്ന പ്രമേയത്തിലാണ് തെരഞ്ഞെടുപ്പ് സമ്മേളനം നടന്നത്.
ദമാമിൽ നടന്ന കിഴക്കൻ പ്രവിശ്യാ ജനറൽ കൗസിലിൽ പുതിയ പ്രസിഡന്റായി ഷബീർ ചാത്തമംഗലത്തേയും, ജനറൽ സെക്രട്ടറിയായി സുനില സലീമിനേയും, ട്രഷററായി അഡ്വ.നവീൻ കുമാറിനെയും തെരഞ്ഞെടുത്തു. മറ്റു ഭാരവാഹികൾ: മുഹ്‌സിൻ ആറ്റശ്ശേരി, സിറാജ് തലശ്ശേരി (വൈസ് പ്രസി.), ഫൈസൽ കുറ്റിയാടി, സാബിഖ് കോഴിക്കോട് (സെക്രട്ടറിമാർ), റഊഫ് ചാവക്കാട് (പി.ആർ, മീഡിയ), ജംഷാദ് അലി കണ്ണൂർ (ജനസേവനം)
എന്നിവരാണ്.
കൂടാതെ അബ്ദുറഹീം തിരൂർക്കാട്, അൻവർ സലീം, ഫൈസൽ കോട്ടയം, അൻവർ ഫസൽ, അനീസ മെഹബൂബ്, ബിജു പൂതക്കുളം, ജമാൽ കൊടിയത്തൂർ, ജുബൈരിയ ഹംസ, നിയാസ് കൊടുങ്ങല്ലൂർ, സൈഫുദ്ധീൻ പൊറ്റശ്ശേരി, ഷജീർ തൂണേരി, ഷമീം ജാബിർ, സമീയുല്ല കൊടുങ്ങല്ലൂർ എന്നീ ഇരുപത്തിമൂന്ന് അംഗ സെൻട്രൽ എക്‌സിക്യൂട്ടീവ് അംഗങ്ങളെയും തെരഞ്ഞെടുത്തു.
മുഹ്‌സിൻ ആറ്റശ്ശേരി, അൻവർ സലീം, സമീയുല്ല കൊടുങ്ങല്ലൂർ എന്നിവരെ സൗദി നാഷണൽ കമ്മിറ്റിയിലേക്ക് തെരഞ്ഞെടുത്തു.
ദമാം, അൽകോബാർ, ജുബൈൽ, ഖഫ്ജി എന്നീ റീജ്യണൽ കമ്മറ്റി അംഗങ്ങൾ അടങ്ങിയതാണ് ജനറൽ കൗൺസിൽ. തെരഞ്ഞെടുപ്പിന് നാഷണൽ കോഡിനേറ്റർ ഖലീൽ പാലോട്, റിയാദ് സെൻട്രൽ കമ്മിറ്റി അംഗം അംജദ് അലി എന്നിവർ നേതൃത്വം നൽകി. തെരഞ്ഞെടുപ്പ് കൺവീനർ റഊഫ് ചാവക്കാട് സ്വാഗതവും മുൻ പ്രസിഡന്റ് മുഹ്‌സിൻ ആറ്റശ്ശേരി ആമുഖ പ്രഭാഷണവും നടത്തി. 2021-22 കാലയളവിലെ പ്രവർത്തന, ഫൈനാൻസ് റിപ്പോർട്ടുകൾ അൻവർ സലീം, അഡ്വ.നവീൻകുമാർ എന്നിവർ അവതരിപ്പിച്ചു.
