കൊല്ലം - കൊല്ലം അഞ്ചലിൽ മയക്കുമരുന്നുമായി എക്‌സൈസ് ഉദ്യോഗസ്ഥനടക്കം മൂന്നുപേർ പിടിയിലായതായി അഞ്ചൽ പോലീസ് അറിയിച്ചു. എക്‌സൈസ് ഉദ്യോഗസ്ഥനായ കോട്ടുക്കൽ സ്വദേശി അഖിൽ, തഴമേൽ സ്വദേശി ഫൈസൽ, ഏരൂർ സ്വദേശി അൽസാബിത്ത് എന്നിവരാണ് അറസ്റ്റിലായത്. ഇവരിൽനിന്നും 20 ഗ്രാം എം.ഡി.എ.എയും 58 ഗ്രാം കഞ്ചാവും പിടിച്ചെടുത്തു. കൊല്ലം ഡാൻസാഫ് ടീമും അഞ്ചൽ പോലീസും ചേർന്ന് നടത്തിയ പരിശോധനയിലാണ് പ്രതികൾ വലയിലായത്.
കുടിച്ചു പൂസായി പോലീസുകാർ തമ്മിൽ തല്ലി; രണ്ടു പേർക്ക് സസ്‌പെൻഷൻ
പത്തനംതിട്ട - മദ്യലഹരിയിൽ പരസ്പരം തല്ലിയ രണ്ട് പോലീസുകാർക്ക് സസ്‌പെൻഷൻ. പത്തനംതിട്ട ജില്ലാ പോലീസ് ഹെഡ് ക്വാട്ടേഴ്‌സിലെ ജി ഗിരി, ജോൺ ഫിലിപ്പ് എന്നിവർക്കാണ് സസ്‌പെൻഷൻ.
സ്ഥാനക്കയറ്റം ലഭിച്ച പോലീസിനുള്ള യാത്രയയപ്പ് ചടങ്ങിനോടനുബന്ധിച്ചാണ് സംഭവമുണ്ടായത്. മൈലപ്രത്തെ ഒരു സ്വകാര്യ ഓഡിറ്റോറിയത്തിൽ വച്ചായിരുന്നു പരിപാടി. ക്യാംപിലേയും പോലീസ് സ്റ്റേഷനുകളിലേയും നിരവധി പോലീസ് ഉദ്യോഗസ്ഥർ യാത്രയയപ്പ് പരിപാടിയിൽ പങ്കെടുക്കാനെത്തിയിരുന്നു. ഇതിനിടെയാണ് മദ്യലഹരിയിൽ പോലീസുകാർ തമ്മിൽ തല്ലിയത്. മറ്റു പോലീസ് ഉദ്യോഗസ്ഥർ ഇരുവരേയും പിടിച്ചു മാറ്റിയെങ്കിലും ഉന്നത പോലീസ് ഉദ്യോഗസ്ഥർ ഇക്കാര്യം അറിയുകയും ജില്ലാ പോലീസ് മേധാവിയെ അറിയിക്കുകയുമായിരുന്നു. തുടർന്നാണ് അന്വേഷണ വിധേയമായുളള സസ്‌പെൻഷൻ ഉത്തരവുണ്ടായത്.
