ദോഹ- കഠിനമായ തണുപ്പും ശക്തമായ പൊടിക്കാറ്റും തീര്‍ത്ത എല്ലാ വെല്ലുവിളികളേയും അതിജീവിച്ച് ഷക്കീര്‍ ചീരായി ചരിത്രം രചിച്ചു. ഖത്തറിന്റെ ഒരറ്റത്തുനിന്നും മറ്റേ അറ്റം വരെ ഓടിയെത്തിയാണ് ഷക്കീര്‍ അഭിമാനകരമായ നേട്ടം കൈവരിച്ചത്.
കഴിഞ്ഞ വര്‍ഷം ഫെബ്രുവരി നാലിന് ടുണീഷ്യന്‍ അത്‌ലറ്റ് സഡോക് കൊച്ച്ബാറ്റി സ്ഥാപിച്ച 34 മണിക്കൂറും 19 മിനിറ്റും എന്ന നിലവിലെ റെക്കോര്‍ഡിനെ അനായാസം മറി കടന്നാണ് ഖത്തറിലെ ഇന്ത്യന്‍ സമൂഹത്തിന് പൊതുവിലും മലയാളി സമൂഹത്തിന് വിശേഷിച്ചും അഭിമാനകരമായ നേട്ടം സ്വന്തമാക്കി ഷക്കീര്‍ ലോക റെക്കോര്‍ഡില്‍ ഇടം കണ്ടെത്തിയത്. വെല്‍നസ് ചലഞ്ചേഴ്‌സ് എന്ന കൂട്ടായ്മയുടെ പിന്തുണയോടെയാണ് മലയാളി യുവാവ് ഖത്തറില്‍ ചരിത്രം രചിച്ചത്.
വെള്ളിയാഴ്ച അബൂസംറയില്‍നിന്ന് രാവിലെ ആറു മണിക്കാരംഭിച്ച ഓട്ടം ശനിയാഴ്ച ഉച്ചക്ക് 12.54 നാണ് റുവൈസിലെത്തിയത്. 192.14 കിലോമീറ്റര്‍ ദൂരം 30.34 മിനിറ്റ് 9 സെക്കന്റില്‍ പൂര്‍ത്തിയാക്കിയാണ് ഷക്കീര്‍ ചീരായി ഗിന്നസ് റെക്കോര്‍ഡെന്ന സ്വപ്‌നം സാക്ഷാല്‍ക്കരിച്ചത്.
കഴിഞ്ഞ വര്‍ഷം ഫെബ്രുവരി നാലിന് ടുണീഷ്യന്‍ അത്‌ലറ്റ് സഡോക് കൊച്ച്ബാറ്റി സ്ഥാപിച്ച 34 മണിക്കൂറും 19 മിനിറ്റും എന്ന നിലവിലെ റെക്കോര്‍ഡ് മറികടന്നാണ് ഈ തലശ്ശേരിക്കാരന്‍ സ്വന്തം റെക്കോര്‍ഡ് സ്ഥാപിച്ചത്.
