ന്യൂദൽഹി- നാഗാലാൻഡ്, മേഘാലയ, ത്രിപുര എന്നീ സംസ്ഥാനങ്ങളിലെ നിയമസഭകളിലേക്കുള്ള പൊതുതെരഞ്ഞെടുപ്പിന്റെ ഷെഡ്യൂൾ ഇന്ത്യൻ തിരഞ്ഞെടുപ്പ് കമ്മീഷൻ പ്രഖ്യാപിച്ചു. ത്രിപുരയിൽ ഫെബ്രുവരി 16-നാണ് വോട്ടെടുപ്പ്. മേഘാലയയ, നാഗാലാന്റ് എന്നിവടങ്ങളിൽ ഫെബ്രുവരി 27-നാണ് വോട്ടടുപ്പ്. മാർച്ച് രണ്ടിനാണ് വോട്ടെണ്ണൽ. മുഖ്യ തെരഞ്ഞെടുപ്പ് കമ്മീഷണർ രാജീവ് കുമാറാണ് തെരഞ്ഞെടുപ്പ് തിയതികൾ പ്രഖ്യാപിച്ചത്.
രാജസ്ഥാൻ, ഛത്തീസ്ഗഡ്, മധ്യപ്രദേശ്, കർണാടക, തെലങ്കാന എന്നീ സംസ്ഥാനങ്ങളിലും ഈ വർഷം തെരഞ്ഞെടുപ്പ് നടക്കും. അടുത്ത വർഷം നടക്കാനിരിക്കുന്ന ലോക്‌സഭ തെരഞ്ഞെടുപ്പുകളെ സംബന്ധിച്ച് ഈ സംസ്ഥാനങ്ങളിലെ തെരഞ്ഞെടുപ്പ് നിർണായകമാണ്. ഇതടക്കം ഒൻപത് സംസ്ഥാനങ്ങളിലേക്കാണ് തെരഞ്ഞെടുപ്പ് നടക്കാനിരിക്കുന്നത്.
നാഗാലാൻഡ്, ത്രിപുര, മേഘാലയ എന്നീ മൂന്ന് നിയമസഭകളുടെ കാലാവധി മാർച്ചിൽ വ്യത്യസ്ത തീയതികളിൽ അവസാനിക്കും. 'ജനാധിപത്യത്തിന്റെ ഉത്സവ'ത്തിൽ പങ്കെടുക്കാൻ വോട്ടർമാരെ അനുവദിക്കുന്നതിനുള്ള എല്ലാ സജ്ജീകരണങ്ങളും ഇസിഐ സ്വീകരിച്ചിട്ടുണ്ടെന്നും പോളിംഗ് ദിവസം ഏതെങ്കിലും വോട്ടർക്ക് എന്തെങ്കിലും ഭീഷണിയോ ഭീഷണിയോ നേരിടേണ്ടി വന്നാൽ സി വിജിൽ ആപ്പ് ഉപയോഗിച്ച് തിരഞ്ഞെടുപ്പ് അറിയിക്കാമെന്നും മുഖ്യ തിരഞ്ഞെടുപ്പ് കമ്മീഷണർ രാജീവ് കുമാർ പറഞ്ഞു. ത്രിപുരയിൽ സ്വതന്ത്രവും നീതിയുക്തവും പ്രേരണ രഹിതവുമായ തിരഞ്ഞെടുപ്പ് നടത്താൻ 'പ്രതിബദ്ധതയും കടമയും' ഉണ്ടെന്ന് ഇന്ത്യൻ തിരഞ്ഞെടുപ്പ് കമ്മീഷൻ കഴിഞ്ഞ ആഴ്ച പറഞ്ഞിരുന്നു.
