കൊച്ചി-ഇന്ത്യയില്‍ ഇടപാടുകള്‍ നടത്തുന്ന പ്രവാസികളെ പിടികൂടാനൊരുങ്ങി ആദായനികുതി വകുപ്പ്. 2021-22 വര്‍ഷത്തെ ആദായ നികുതി റിട്ടേണ്‍ സമര്‍പ്പിക്കേണ്ട സമയം ഈ മാസം 31 ന് അവസാനിക്കാനിരിക്കെ നോട്ടീസും നിയമനപടികളും ഒഴിവാക്കാന്‍ പ്രവാസികള്‍ ശ്രദ്ധിക്കണമെന്ന് ഈ രംഗത്തുള്ളവര്‍ നിര്‍ദേശിക്കുന്നു.
വസ്തുവില്‍പന, വാങ്ങല്‍, ഓഹരി വ്യാപാരം, സ്ഥിരനിക്ഷേപം തുടങ്ങിയവ പാന്‍ ബന്ധിപ്പിച്ച അക്കൗണ്ടുകള്‍ വഴിയാണ് നടത്തിയതെങ്കില്‍ യഥാസമയം റിട്ടേണ്‍ സമര്‍പ്പിച്ചില്ലെങ്കില്‍ ആദായനികുതി വകുപ്പില്‍നിന്ന് നോട്ടീസ് ലഭിക്കും.
ഇത്തരത്തില്‍ ഇന്ത്യയില്‍ ഇടപാട് നടത്തിയിട്ടുണ്ടെങ്കില്‍ ഡിസംബര്‍ 31 നുമുമ്പ് റിട്ടേണ്‍ നല്‍കണം. നികുതി വകുപ്പില്‍നിന്നുള്ള അറിയിപ്പുകള്‍ യഥാസമയം ലഭിക്കുന്നുണ്ടെന്ന് ഉറപ്പുവരുത്താന്‍ ഇ-മെയിലുകള്‍ പരിശോധിക്കണമെന്നും മുന്‍ പ്രവാസിയും പ്രവാസി ടാക്‌സ് ഡയരക്ടറുമായ ശ്രീജിത്ത് കുനിയില്‍ ഓര്‍മിപ്പിക്കുന്നു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
