ന്യൂദല്‍ഹി- എന്‍.ഡി.ടി.വിയില്‍ ശേഷിക്കുന്ന തങ്ങളുടെ 32.26 ശതമാനം ഓഹരിയില്‍ 27.26 ശതമാനം അദാനി ഗ്രൂപ്പിന് വില്‍ക്കുമെന്ന് ചാനല്‍ സ്ഥാപകരായ പ്രണോയ് റോയിയും ഭാര്യ രാധിക റോയിയും അറിയിച്ചു. സ്ഥാപകരുടെ പിന്തുണയുണ്ടായിരുന്ന ഒരു കമ്പനിയെ വാങ്ങിയതിനു പിന്നാലെ ഓപ്പണ്‍ മാര്‍ക്കറ്റില്‍നിന്ന് കൂടുതല് ഓഹരികള്‍ സ്വന്തമാക്കി ന്യൂദല്‍ഹി ടെലിവിഷന്‍ ലിമിറ്റഡിന്റെ ഏറ്റവും വലിയ ഒറ്റ ഓഹരി ഉടമയായി അദാനി ഗ്രൂപ്പ് മാറിയിരിക്കയാണ്. പരസ്പര ധാരണയോടെ എന്‍ഡിടിവിയിലെ ഞങ്ങളുടെ ഓഹരികള്‍ അദാനി ഗ്രൂപ്പ് സ്ഥാപനമായ എഎംജി മീഡിയ നെറ്റ്‌വര്‍ക്കിന് വിറ്റഴിക്കാന്‍ തീരുമാനിച്ചതായി സ്ഥാപകരായ പ്രണോയ് റോയിയും രാധിക റോയിയും സ്‌റ്റോക്ക് എക്‌സ്‌ചേഞ്ചുകള്‍ക്ക് നല്‍കിയ പ്രസ്താവനയില്‍ പറഞ്ഞു.
ഇരുവര്‍ക്കും എന്‍ഡിടിവിയില്‍ 32.26 ശതമാനം ഓഹരിയാണുള്ളത്. അദാനി ഗ്രൂപ്പിന് ഇപ്പോള്‍ കമ്പനിയില്‍ 37.44 ശതമാനം ഓഹരിയണ്ട്.
32.26 ശതമാനം ഓഹരികളില്‍ ദമ്പതികള്‍ 27.26 ശതമാനം വില്‍ക്കുകയും അഞ്ച് ശതമാനം ഓഹരി നിലനിര്‍ത്തുകയും ചെയ്യും.
ഗൗതം അദാനിയുമായുള്ള ഞങ്ങളുടെ ചര്‍ച്ചകള്‍ ക്രിയാത്മകമായിരുന്നുവെന്നും ഞങ്ങള്‍ നല്‍കിയ എല്ലാ നിര്‍ദ്ദേശങ്ങളും അദ്ദേഹം ക്രിയാത്മകമായും തുറന്ന മനസ്സോടെയും സ്വീകരിച്ചുവെന്നും പ്രണോയ് റോയിയും രാധിക റോയിയും പ്രസ്താവനയില്‍ പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
