ഹൈദരാബാദ്- ഭര്‍ത്താവിനെ പൊടി വിതറി മയക്കിയ ശേഷം യുവതിയെ ബലാത്സംഗം ചെയ്ത സംഭവത്തില്‍ രണ്ടു പേരെ അറസ്റ്റ് ചെയ്തു. തെലങ്കാനയിലെ മേദക് ജില്ലയിലാണ് സംഭവം.
മസായിപ്പേട്ട സ്വദേശികളായ തഡേപ്പള്ളി വെങ്കിടേശ്വര റാവു എന്ന ബാബു റാവു (48), തടേപ്പള്ളി നരേഷ് (21) എന്നിവരെയാണ് അറസ്റ്റ് ചെയ്തത്.
കഴിഞ്ഞ വെള്ളിയാഴ്ചയാണ് സംഭവം നടന്നതെങ്കിലും ബുധനാഴ്ച യുവതിയും ഭര്‍ത്താവും പോലീസ് സ്റ്റേഷനില്‍ എത്തിയപ്പോഴാണ് സംഭവം അറിയുന്നത്. മേസനായ ബാബു റാവുവിനൊപ്പം ജോലി ചെയ്യുന്ന സ്ത്രീയാണ് പീഡനത്തിനിരയായത്.
ബലപ്രയോഗത്തിലൂടെയാണ് ബാബു റാവുവും നരേഷും വീടിനകത്ത് കടന്നതെന്ന് പോലീസ് സൂപ്രണ്ട് രോഹിണി പ്രിയദര്‍ശിനി പറഞ്ഞു.
എന്തോ പൊടി വിതറി ഭര്‍ത്താവിനെ അബോധാവസ്ഥയിലാക്കിയ ശേഷമാണ് പ്രതികള്‍ തന്നെ മാവിന്‍തോപ്പിലേക്ക് കൊണ്ടു പോയി പീഡിപ്പിച്ചെതന്ന് രണ്ട് മക്കളുടെ അമ്മയായി യുവതി മൊഴി നല്‍കി.
