അബഹ - മയക്കുമരുന്ന് ശേഖരവുമായി അസീര്‍ പ്രവിശ്യയില്‍ പെട്ട ബീശയില്‍ വെച്ച് ഇന്ത്യക്കാരനെ സുരക്ഷാ വകുപ്പുകള്‍ അറസ്റ്റ് ചെയ്തു. ബീശയിലെ ജംഊര്‍ ചെക്ക് പോസ്റ്റില്‍ വെച്ച് നടത്തിയ വാഹന പരിശോധനയിലാണ് ഇന്ത്യക്കാരന്‍ കുടുങ്ങിയത്. ഇന്ത്യക്കാരന്‍ ഓടിച്ച വാഹനം സംശയം തോന്നി ചെക്ക് പോസ്റ്റില്‍ വെച്ച് തടഞ്ഞുനിര്‍ത്തി പരിശോധിക്കുകയായിരുന്നു. വാഹനത്തിനകത്ത് ഒളിപ്പിച്ച നിലയില്‍ 120 കിലോ മയക്കുമരുന്ന് കണ്ടെത്തി. നിയമാനുസൃത നടപടികള്‍ പൂര്‍ത്തിയാക്കി പ്രതിയെ ബന്ധപ്പെട്ട വകുപ്പിന് കൈമാറിയതായി പൊതുസുരക്ഷാ വകുപ്പ് അറിയിച്ചു.
മയക്കുമരുന്ന് ശേഖരവുമായി മറ്റൊരു സൗദി പൗരനെ ജിസാന്‍ പ്രവിശ്യയില്‍ പെട്ട അല്‍ദായിറില്‍ വെച്ച് പോലീസും അറസ്റ്റ് ചെയ്തു. പ്രതിയുടെ വാഹനത്തില്‍ ഒളിപ്പിച്ച നിലയില്‍ 48 കിലോ മയക്കുമരുന്ന് കണ്ടെത്തി. ചോദ്യം ചെയ്യല്‍ അടക്കമുള്ള നടപടികള്‍ പൂര്‍ത്തിയാക്കി പ്രതിയെ ബന്ധപ്പെട്ട വകുപ്പിന് കൈമാറിയതായി ജിസാന്‍ പോലീസ് അറിയിച്ചു.
اقرأ المزيد
يحتوي هذا القسم على المقلات ذات صلة, الموضوعة في (Related Nodes field)
