നെടുമ്പാശേരി-സ്വര്‍ണ കടത്തില്‍ പുതിയ പരീക്ഷണങ്ങള്‍. കൊച്ചി രാജ്യാന്തര വിമാന താവളത്തില്‍ കസ്റ്റംസ് സുവര്‍ണ്ണ പാദുകമാണ് പിടികൂടിയത്. 78 ലക്ഷം രൂപ വില വരുന്ന 1762 ഗ്രാം സ്വര്‍ണം പേസ്റ്റ് രൂപത്തിലാക്കി ഇരു കാല്‍പാദങ്ങളോട് ഒട്ടിച്ചു ചേര്‍ത്താണ് സുവര്‍ണ പാദുകം തീര്‍ത്തത്.
മലപ്പുറം സ്വദേശി മുഹമ്മദ് ദില്‍ഷാദാണ് സ്വര്‍ണകടത്തിന് ഈ രീതി അവലംബിച്ചത്.ഷാര്‍ജയില്‍ നിന്നും എത്തിയ ഇയാള്‍ ഇരു കാല്‍്പാദങ്ങളുടേയും താഴെയാണ് അതിവിദഗ്ധമായി സ്വര്‍ണം ചേര്‍ത്തു വച്ചത്. തുടര്‍ന്ന് ടേപ്പ് വച്ച് സ്വര്‍ണം തിരിച്ചറിയാത്ത വിധം ഭദ്രമായി പൊതിഞ്ഞ് സോക്‌സും ഷൂസും ധരിക്കുകയായിരുന്നു
ഇയാളുടെ നടത്തത്തില്‍ സംശയം തോന്നിയ കസ്റ്റംസുകാര്‍ ഷൂസ് അഴിപ്പിച്ച് പരിശോധിക്കുകയായിരുന്നു. തിനു മുമ്പ് സ്വര്‍ണം ലായനിയാക്കി മാറ്റി തോര്‍ത്തില്‍ ലയിപ്പിച്ച് കൊണ്ടുവന്നതും പിടികൂടിയിരുന്നു.
