ഗുവാഹത്തി- അരുണാചൽ പ്രദേശിൽ സൈനിക ഹെലികോപ്റ്റർ തകർന്നുവീണു. അപ്പർ സിയാങ് ജില്ലയിലെ ചിൻഗിങ് ഗ്രാമത്തിലാണ് സംഭവം. ഇവിടേക്ക് റോഡ് മാർഗം എത്തിപ്പെടാനാകില്ല. രണ്ട് ഹെലികോപ്പ്റ്ററുകളിൽ രക്ഷാപ്രവർത്തകർ സ്ഥലത്തേക്കു തിരിച്ചു. ഇന്ത്യൻ സൈന്യത്തിന്റെ അഡ്വാൻസ്ഡ് ലൈറ്റ് ഹെലികോപ്റ്ററാണ് തകർന്നുവീണത്. ഈ മാസം രണ്ടാം തവണയാണ് അരുണാചൽ പ്രദേശിൽ ഹെലികോപ്റ്റർ തകരുന്നത്. തവാങ്ങിന് സമീപം ചീറ്റ ഹെലികോപ്റ്റർ തകർന്ന് പൈലറ്റ് മരിക്കുകയും നിരവധി പേർക്ക് പരുക്കേൽക്കുകയും ചെയ്തിരുന്നു.
