തിരുവനന്തപുരം- സാമ്പത്തികപ്രതിസന്ധി നേരിടുന്നതിന് സംസ്ഥാനസര്‍ക്കാര്‍ 1000 കോടിരൂപകൂടി കടമെടുക്കുന്നു. കേന്ദ്രസര്‍ക്കാര്‍ അനുവദിച്ച പരിധിക്കുള്ളില്‍നിന്നാണിത്. ഇതിനായി റിസര്‍വ് ബാങ്കുവഴി ഇറക്കുന്ന കടപ്പത്രങ്ങളുടെ ലേലം ഒക്ടോബര്‍ മൂന്നിന് ബാങ്കിന്റെ മുംബൈ ഫോര്‍ട്ട് ഓഫീസില്‍ ഇകുബേര്‍ സംവിധാനംവഴി നടക്കും. ഈ മാസം രണ്ടാം തവണയാണ് കടമെടുക്കുന്നത്. ചൊവ്വാഴ്ച 1436 കോടി കടമെടുത്തിരുന്നു. 18 വര്‍ഷത്തേക്ക് 7.69 ശതമാനം നിരക്കിലാണ് എടുത്തത്. ഒക്ടോബര്‍ ആദ്യം ശമ്പളവും പെന്‍ഷന്‍ വിതരണവും തടസ്സമില്ലാതെ നടത്താനാണ് ഇപ്പോള്‍ കടമെടുക്കുന്നത്.
