ബെംഗളൂരു- കോളജ് വിദ്യാര്‍ഥികള്‍ക്കു ലഹരി എത്തിച്ചു നല്‍കുന്ന സംഘത്തിന്റെ ഭാഗമായ സീരിയല്‍ നടന്‍ ഉള്‍പ്പെടെ 6 മലയാളികളെ 2 കേസുകളിലായി ബെംഗളൂരുവില്‍ അറസ്റ്റ് ചെയ്തു. സീരിയലുകളില്‍ ചെറിയ വേഷങ്ങളില്‍ അഭിനയിക്കുന്ന ഷിയാസ്, കൂട്ടാളികളായ ഷാഹിദ്, ജതിന്‍ എന്നിവരെ 12.5 ലക്ഷം രൂപയുടെ ലഹരിമരുന്ന് സഹിതമാണു പിടികൂടിയത്. രാസലഹരി ഗുളികകള്‍ ഉള്‍പ്പെടെ വിദ്യാര്‍ഥികള്‍ക്ക് നല്‍കാനായി എത്തിച്ചതാണെന്നു പോലീസ് പറഞ്ഞു. മറ്റൊരു കേസില്‍, ആന്ധ്രയില്‍ നിന്ന് ബെംഗളൂരുവിലേക്കു ട്രെയിനില്‍ കഞ്ചാവ് കടത്തിയ ആലപ്പുഴ സ്വദേശികളായ തനാഫ്, ജോര്‍ജ്, തലശ്ശേരി സ്വദേശി മുഹമ്മദ് മുസമ്മില്‍ എന്നിവരും അറസ്റ്റിലായി.
