റിയാദ് - വാഹനങ്ങളുടെ ഇസ്തിമാറ (വാഹന ഉടമസ്ഥാവകാശ രേഖ) കാലാവധി അവസാനിക്കാൻ 180 ദിവസത്തിൽ കുറവ് ശേഷിക്കെ പുതുക്കാവുന്നതാണെന്ന് സൗദി ട്രാഫിക് ഡയറക്ടറേറ്റ് വ്യക്തമാക്കി. പുതുക്കുന്ന ദിവസം മുതലല്ല, കാലാവധി അവസാനിക്കുന്ന ദിവസം മുതലാണ് ഇസ്തിമാറ പുതുക്കൽ കാലാവധി കണക്കാക്കുക. ഇസ്തിമാറ പുതുക്കാൻ കാലാവധി അവസാനിച്ച ശേഷം 60 ദിവസത്തെ സാവകാശം അനുവദിക്കും.
ഇതിനു ശേഷവും ഇസ്തിമാറ പുതുക്കാത്തവർക്ക് ഓരോ വർഷത്തിനും 100 റിയാൽ തോതിൽ പിഴ ചുമത്തുമെന്നും ട്രാഫിക് ഡയറക്ടറേറ്റ് വ്യക്തമാക്കി. കാലാവധി അവസാനിക്കുന്നതിന് ഒന്നര വർഷം മുമ്പ് ഇസ്തിമാറ പുതുക്കാൻ സാധിക്കുമോയെന്ന് ആരാഞ്ഞ് ഉപയോക്താക്കളിൽ ഒരാൾ നടത്തിയ അന്വേഷണത്തിന് മറുപടിയായാണ് ട്രാഫിക് ഡയറക്ടറേറ്റ് ഇക്കാര്യം വ്യക്തമാക്കിയത്.
