കീവ്- കിഴക്കന് ഉക്രൈനിലെ നദി തീരത്തുള്ള പ്രദേശം റഷ്യന് സൈന്യം പിടിച്ചെടുത്തു, യൂറോപ്യന് യൂണിയനില് ചേരാനുള്ള കീവിന്റെ ശ്രമത്തെ സ്വാഗതം ചെയ്യുമെന്ന് പ്രതീക്ഷിക്കുന്ന യൂറോപ്യന് നേതാക്കളുടെ ഉച്ചകോടിക്ക് മുന്നോടിയായി മോസ്കോ ആക്രമണങ്ങള് വര്ദ്ധിപ്പിക്കുകയാണെന്ന് ഉക്രൈന് പ്രസിഡന്റ് വ്ളോദിമര് സെലെന്സ്കി പ്രസ്താവിച്ചു. അതിനിടെ, ഒഡേസയിലെ തുറമുഖത്ത് റഷ്യ മിസൈലാക്രമണം നടത്തി.
സമീപ ആഴ്ചകളില് പ്രധാന യുദ്ധഭൂമിയായി മാറിയ സിവേര്സ്കി ഡൊനെറ്റ്സ്കിന്റെ തെക്ക് ഭാഗത്തുള്ള സിവേര്സ്കി ഡൊനെറ്റ്സ് നദിയുടെ ഭൂരിഭാഗവും ഉക്രേനിയന് അധീനതയിലുള്ള പടിഞ്ഞാറന് തീരത്തുള്ള ടോഷ്കിവ്ക പട്ടണവും പിടിച്ചെടുത്തതായി മോസ്കോ അവകാശപ്പെട്ടു.
ടോഷ്കിവ്കയില് മോസ്കോ വിജയിച്ചതായി ഉക്രൈന് സമ്മതിച്ചിട്ടുണ്ട്. കിഴക്കന് ഡോണ്ബാസ് മേഖലയുടെ വിശാലമായ, പ്രദേശങ്ങളിലേക്ക് മുന്നേറ്റം നടത്താന് റഷ്യക്കാര് അവിടെ കാലുറപ്പിക്കാന് ശ്രമിക്കുകയാണെന്നും അവര് പറഞ്ഞു.
