ന്യൂദൽഹി- ജനപ്രതിനിധിസഭകളിലെ നിലവിലെ അംഗബലം കണക്കിലെടുക്കുമോൾ രാഷ്ട്രപതി തെരെഞ്ഞെടുപ്പിൽ ഭൂരിപക്ഷമുറപ്പിക്കാൻ എൻഡിഎയ്ക്ക് 13,000 വോട്ടുമൂല്യം കുറവ്. പ്രതിപക്ഷ നിരയിൽ നിന്ന് വൈഎസ്ആർ കോൺഗ്രസ്, ബിജു ജനദാതൾ എന്നീ പാർട്ടികളുടെ സാന്നിധ്യം ഈ കുറവ് പരിഹരിക്കുമെന്ന കണക്കുകൂട്ടലിലാണ് ബിജെപി.
2017ൽ എൻ.ഡി.എ.യുടെ ഭാഗമായിരുന്ന ശിവസേന, അകാലിദൾ തുടങ്ങിയ പാർട്ടികൾ ഇക്കുറി ബിജെപിക്ക് ഒപ്പമില്ല. 2017ണ് ശേഷം നടന്ന ഉപതെരെഞ്ഞെടുപ്പുകളിൽ ഭൂരിപക്ഷം നഷ്ടമായതും പാർട്ടിയെ ബാധിക്കും. അതിനാൽ തന്നെ കൂടുതൽ പ്രാദേശിക പാർട്ടികളുടെ പിന്തുണ ഉറപ്പാക്കാനാണ് ബിജെപി ലക്ഷ്യമിടുന്നത്. എന്നാൽ കഴിഞ്ഞതവണ പിന്തുണ നൽകിയിരുന്ന കെ. ചന്ദ്രശേഖർ റാവുവിന്റെ ടി.ആർ.എസ് അടക്കം ബിജെപിയുമായി ഇടഞ്ഞുനിൽപ്പാണ്. വൈ.എസ്.ആർ. കോൺഗ്രസ് നേതാവ് ജഗൻ മോഹൻ റെഡ്ഡിയും ഒഡിഷ മുഖ്യമന്ത്രി നവീൻ പട്‌നായിക്കും കഴിഞ്ഞമാസം പ്രധാനമന്ത്രിയുമായി കൂടിക്കാഴ്ച നടത്തിയിരുന്നു. ഈ പാർട്ടികളുടെ വോട്ടാണ് ബി.ജെ.പി ലക്ഷ്യമിടുന്നത്.
