ഇസ്ലാമാബാദ്- പാക്കിസ്ഥാന്റെ കാവൽ പ്രധാനമന്ത്രിയായി മുൻ ചീഫ് ജസ്റ്റിസ് ഗുൽസാർ അഹമ്മദിനെ നിലവിലുള്ള പ്രധാനമന്ത്രി ഇമ്രാൻ ഖാൻ നാമനിർദ്ദേശം ചെയ്തു.
പാർട്ടിയുടെ കോർ കമ്മിറ്റിയുടെ അംഗീകാരത്തിന് ശേഷമാണ് ഇമ്രാൻ ഖാൻ തീരുമാനമെടുത്തതെന്ന് മുൻ ഇൻഫർമേഷൻ മന്ത്രിയും പാകിസ്ഥാൻ തെഹ്രീകെ ഇൻസാഫ് പാർട്ടിയുടെ മുതിർന്ന നേതാവുമായ ഫവാദ് ചൗധരി പറഞ്ഞു.
കാവൽ പ്രധാനമന്ത്രിയെ നിയമിക്കുന്നതിനുള്ള നിർദ്ദേശങ്ങൾ ആവശ്യപ്പെട്ട് പ്രസിഡന്റ് ആരിഫ് അൽവി തിങ്കളാഴ്ച ഖാനും പ്രതിപക്ഷ നേതാവ് ഷെഹ്ബാസ് ഷെരീഫിനും കത്തയച്ചതിന് പിന്നാലെയാണ് പ്രഖ്യാപനം. രാഷ്ട്രപതിയുടെ കത്തിന് മറുപടിയായി, പി.ടി.ഐ കോർ കമ്മിറ്റിയുടെ കൂടിയാലോചനയ്ക്കും അംഗീകാരത്തിനും ശേഷമാണ് പ്രധാനമന്ത്രി പാകിസ്ഥാൻ മുൻ ചീഫ് ജസ്റ്റിസ് ഗുൽസാർ അഹമ്മദിനെ ഇടക്കാല പ്രധാനമന്ത്രി സ്ഥാനത്തേക്ക് നാമനിർദ്ദേശം ചെയ്തതെന്നും ചൗധരി പറഞ്ഞു.
