കുവൈത്ത് സിറ്റി- ജൂൺ 15 മുതൽ ഗൾഫ് എയർ കുവൈത്തിൽ നിന്നും കോഴിക്കോട്ടേക്ക് പ്രതിദിന സർവീസ് ആരംഭിക്കും. കുവൈത്ത് -ബഹ്‌റൈൻ-കോഴിക്കോട് റൂട്ടിൽ രണ്ട് കണക്ഷൻ സർവീസുകളും തിരിച്ച് ഒരു സർവീസുമാണ് ഉണ്ടാകുക. വൈകുന്നേരം മൂന്നു മണിക്ക് കുവൈത്തിൽ നിന്ന് പുറപ്പെട്ട് പുലർച്ചെ നാലിന് കോഴിക്കോട്ട് എത്തുന്ന രീതിയിലാണ് ആദ്യ സർവീസ് ക്രമീകരിച്ചിരിക്കുന്നത്. രണ്ടാം വിമാനം കുവൈത്തിൽ നിന്ന് വൈകീട്ട് 6.20ന് പുറപ്പെട്ട് പുലർച്ചെ നാലിന് കോഴിക്കോട്ടെത്തും. കോഴിക്കോട്ടു നിന്ന് തിരിച്ചു കുവൈത്തിലേക്കുള്ള പ്രതിദിന സർവീസ് പുലർച്ചെ 4.50ന് പുറപ്പെട്ട് രാവിലെ 10.40ന് കുവൈത്തിലിറങ്ങും. 46 കിലോ ബാഗേജും ഏഴ് കിലോ ഹാൻഡ് ബാഗും അനുവദിക്കും.
