വത്തിക്കാന്‍ സിറ്റി- സഭ 'രാഷ്ട്രീയത്തിന്റെ ഭാഷയല്ല, യേശുവിന്റെ ഭാഷ ഉപയോഗിക്കണമെന്ന് ഫ്രാന്‍സിസ് മാര്‍പാപ്പ റഷ്യന്‍ ഓര്‍ത്തഡോക്‌സ് പാത്രിയാര്‍ക്കീസ് കിറിലിനോട് ആവശ്യപ്പെട്ടതായി വത്തിക്കാന്‍ പറഞ്ഞു.
പ്രസിഡന്റ് വ്ളാഡിമിര്‍ പുടിന്റെ ഭരണ ഉപകരണത്തിന്റെ പ്രധാന സ്തംഭമായ കിറിലുമായി കത്തോലിക്കാ സഭയുടെ തലവന്‍ നടത്തിയ വീഡിയോ കോളിലാണ് ഇക്കാര്യം പറഞ്ഞത്. ഫെബ്രുവരി 24 ന് റഷ്യയുടെ അധിനിവേശത്തെത്തുടര്‍ന്ന് സമാധാനത്തെ സഹായിക്കാനുള്ള ശ്രമത്തില്‍ ഇരുവരും ഒന്നിക്കണമെന്ന് മാര്‍പ്പാപ്പ പറഞ്ഞു. റഷ്യന്‍ അനുകൂല നിലപാട് സ്വീകരിച്ച പാത്രിയാര്‍ക്കീസിനെതിരെ വ്യാപക പ്രതിഷേധമുയര്‍ന്നിരുന്നു.
