സകാക്ക - സകാക്കയില്‍ പോലീസ് വാഹനത്തില്‍ നിന്ന് രക്ഷപ്പെടാന്‍ ശ്രമിച്ച സൗദി യുവാവിനെ അല്‍ജൗഫ് പോലീസ് അറസ്റ്റ് ചെയ്തു. മറ്റൊരു സ്വദേശി യുവാവിന്റെ സഹായത്തോടെയാണ് പ്രതി പോലീസ് വാഹനത്തില്‍ നിന്ന് രക്ഷപ്പെടാന്‍ ശ്രമിച്ചത്. ഈ യുവാവിനെയും അറസ്റ്റ് ചെയ്തിട്ടുണ്ട്.
പൊതുസ്ഥലത്തു വെച്ച് പട്രോള്‍ പോലീസ് കസ്റ്റഡിയിലെടുത്ത യുവാവാണ് കൂട്ടാളിയുടെ സഹായത്തോടെ പോലീസ് വാഹനത്തില്‍ നിന്ന് രക്ഷപ്പെടാന്‍ ശ്രമിച്ചത്. നിയമാനുസൃത നടപടികള്‍ പൂര്‍ത്തിയാക്കി ഇരുവര്‍ക്കുമെതിരായ കേസ് പബ്ലിക് പ്രോസിക്യൂഷന് കൈമാറിയതായി അല്‍ജൗഫ് പോലീസ് അറിയിച്ചു.
