Sorry, you need to enable JavaScript to visit this website.

Error message

Notice: Undefined variable: app_root in include_once() (line 861 of /var/www/html/sites/default/settings.php).

പ്രവാസി വര്‍ക്ക്‌ഷോപ്പ് തുടങ്ങാനിരുന്ന സ്ഥലത്ത് സി.പി.എം കൊടികുത്തി 

ചടയമംഗലം- കൊല്ലം ജില്ലയിലെ മുരുക്കുമണ്‍ ജങ്ഷനില്‍ പ്രവാസി വര്‍ക്ക്‌ഷോപ്പ് തുടങ്ങാനിരുന്ന സ്ഥലത്ത് സി.പി.എം. പ്രവര്‍ത്തകര്‍ കൊടികുത്തി. ഇതോടെ വര്‍ക്ക്‌ഷോപ്പിനായി തറ നിരപ്പാക്കുന്നത് തടസ്സപ്പെട്ടിരിക്കയാണെന്ന് മുന്‍ പ്രവാസി മുരുക്കുമണ്‍ മുരളി വിലാസത്തില്‍ പാര്‍ത്ഥിപന്‍ ഉണ്ണിത്താന്‍ പറഞ്ഞു.
വിദേശത്തായിരുന്ന പാര്‍ത്ഥിപന്‍ ഉണ്ണിത്താന്‍ രണ്ടു വര്‍ഷം മുമ്പ് മടങ്ങിയെത്തിയ ശേഷം ആയൂരില്‍ വര്‍ക്ക്‌ഷോപ്പ് നടത്തുകയായിരുന്നു. സാമ്പത്തിക പ്രയാസത്തെ തുടര്‍ന്ന് വര്‍ക്ക്‌ഷോപ്പ് വിറ്റു. ഇതിനുശേഷം മുരുക്കുമണില്‍ റോഡിന് സമീപത്തെ വയലിനോട് ചേര്‍ന്നുളള കെട്ടിടത്തില്‍ വര്‍ക്ക്‌ഷോപ്പ് തുടങ്ങാന്‍ പദ്ധതിയിട്ടു. ഇതിനായി തറ നിരപ്പാക്കുന്നതിനാണ് മണ്ണ് ഇറക്കിയത്. സി.പി.എം. പ്രാദേശിക നേതൃത്വം കൊടികുത്തി സമരം തുടങ്ങിയതോടെ നിര്‍മാണം പ്രതിസന്ധിയിലായി.  രണ്ടു ലോഡ് മണ്ണു മാത്രമാണ് ഇറക്കിയത്. ഒരു മുറി കടയുടെ ഭാഗത്ത് മണ്ണിട്ടതിനാണ് കൊടിനാട്ടിയതെന്ന് പാര്‍ത്ഥിപന്‍ പറഞ്ഞു. വര്‍ക്ക്‌ഷോപ്പ് നടത്തുന്നതിന് പാര്‍ട്ടി എതിരല്ലെന്നും മരുക്കമണ്‍ പ്രദേശത്ത് വയല്‍ നികത്തലിന് എതിരെ പൊതുജനവികാരമുണ്ടെന്നും നിലമേല്‍ ലോക്കല്‍ കമ്മിറ്റി സെക്രട്ടറി ആര്‍.പ്രസന്നകുമാര്‍ പറഞ്ഞു. 

Latest News