കോഴിക്കോട്- മീഡിയാവൺ ചാനലിന് ഏർപ്പെടുത്തിയ സംപ്രേഷണ വിലക്കിൽ നിയമപോരാട്ടം തുടരുമെന്ന് എഡിറ്റർ പ്രമോദ് രാമൻ. കോടതി വിധി മാനിച്ച് സംപ്രേഷണം തൽക്കാലം നിർത്തുകയാണെന്നും അദ്ദേഹം കൂട്ടിച്ചേർത്തു.
കേന്ദ്ര സർക്കാരിന്റെ നടപടിക്കെതിരെ നിയമപോരാട്ടം തുടരുമെന്നും ഉടൻ അപ്പീലുമായി ഡിവിഷൻ ബെഞ്ചിനെ സമീപിക്കുമെന്നും അദ്ദേഹം പറഞ്ഞു.
നീതി പുലരും എന്ന വിശ്വാസം ആവർത്തിക്കട്ടെ. പ്രേക്ഷകർ നൽകുന്ന പിന്തുണയ്ക്ക് അകമഴിഞ്ഞ നന്ദി. മീഡിയവണിന്റെ സംപ്രേഷണം തടഞ്ഞതിനെതിരെ മാനേജ്മെന്റ് നൽകിയ ഹരജി ഹൈക്കോടതി തള്ളിയിരിക്കുകയാണ്. ബഹുമാനപ്പെട്ട കോടതി വിധി മാനിച്ച് സംപ്രേഷണം തൽക്കാലം നിർത്തുകയാണ്. കേന്ദ്ര സർക്കാരിന്റെ നടപടിക്ക് എതിരെ നിയമപോരാട്ടം തുടരും. ഉടൻ തന്നെ അപ്പീലുമായി ഡിവിഷൻ ബെഞ്ചിനെ സമീപിക്കുമെന്നും പ്രമോദ് രാമൻ പറഞ്ഞു.
