ഓട്ടവ- കോവിഡ് നിയന്ത്രണങ്ങള്‍ക്കെതിരെ ഒരാഴ്ചയിലേറെയായി നടക്കുന്ന ട്രക്ക് ഡ്രൈവര്‍മാരുടെ പ്രതിഷേധത്തിന് മറുപടിയായി കാനഡയുടെ തലസ്ഥാനമായ ഓട്ടവയില്‍ മേയര്‍ അടിയന്തരാവസ്ഥ പ്രഖ്യാപിച്ചു.
നഗരം പൂര്‍ണമായും പോലീസിന്റെ നിയന്ത്രണത്തിലല്ലെന്ന് മേയര്‍ ജിം വാട്സണ്‍ പറഞ്ഞു, പ്രകടനക്കാര്‍ പോലീസിനെക്കാള്‍ കൂടുതലാണ്.
പ്രതിഷേധം താമസക്കാരുടെ സുരക്ഷക്ക് ഭീഷണിയാണെന്നും അദ്ദേഹം പറഞ്ഞു. വംശീയ ആക്രമണങ്ങളും റിപ്പോര്‍ട്ട് ചെയ്യപ്പെട്ടിട്ടുണ്ട്.
യു.എസ്-കാനഡ അതിര്‍ത്തി കടക്കാന്‍ എല്ലാ ട്രക്കര്‍മാര്‍ക്കും വാക്‌സിനേഷന്‍ എടുക്കണമെന്ന പുതിയ നിയമം കഴിഞ്ഞ മാസം അവതരിപ്പിച്ചതാണ് 'ഫ്രീഡം കോണ്‍വോയ്' പ്രതിഷേധത്തിന് തുടക്കമിട്ടത്, എന്നാല്‍ പ്രതിഷേധങ്ങള്‍ കോവിഡ് ആരോഗ്യ നിയന്ത്രണങ്ങളോടുള്ള വെല്ലുവിളിയായി രൂപാന്തരപ്പെട്ടു.
പ്രതിഷേധക്കാര്‍ പാര്‍ലമെന്റ് ഹില്ലിന് സമീപമുള്ള ഓട്ടവ നഗരത്തില്‍ ഒത്തുകൂടി. അവരുടെ ആവശ്യങ്ങള്‍ രാജ്യവ്യാപകമായി ഉന്നയിക്കാനും പ്രധാനമന്ത്രി ജസ്റ്റിന്‍ ട്രൂഡോയുടെ സര്‍ക്കാരിനെ എതിര്‍ക്കാനുമുള്ള സമരമായി ഇത് മാറുകയായിരുന്നു.
