മലപ്പുറം- ആഫ്രിക്കൻ രാജ്യമായ സിയറ ലിയോണിലേക്ക് സ്വർണ ഖനനത്തിന് പി.വി അൻവർ എം.എൽ.എയുടെ കൂടെ സഹായത്തിന് പോയ മലയാളി മരിച്ചു. കക്കാടംപൊയിലിലെ മീനാട്ടുകുന്നേൽ ഷാജി(56)യാണ് മരിച്ചത്. കഴിഞ്ഞ മാസം 18-നാണ് ഷാജി സിയറ ലിയോണിലേക്ക് പോയത്. ഹൃദയാഘാതമാണ് മരണം കാരണം എന്നാണ് വിവരം. ഷാജിയുടെ മകൻ ജെറാം സിയറ ലിയോണിലുണ്ട്. മൃതദേഹം ഈ മാസം അഞ്ചിന് നാട്ടിലെത്തിക്കും. ഭാര്യ: ലൗലി. മക്കൾ: അമല, അഭയ, ജെറോം. മരുമക്കൾ: ലാലു, തോമസ് കുട്ടി.
